عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم فراشاتي الحلوات
الموضوع باين من عنوانه . القصة كالآتي :
زوجي في امريكا و انا مستنية شهرين انشالله بلحق عليه .
هو كان متزوج امريكية و حسب كلامه تزوجها عشان دخلت الإسلام و حب يساعدها و يشجعها على قرارها . وكانت نتيجة زواجهم اللي دام 7 سنين عيلين يجننوا الله لايحرمنا منهم : الصراحة أنا أموووت فيهم و هما عايشين مع زوجي يعني انشالله بنعيش اربعتنا ويا بعض .
المهم انتم تعرفون الغيرة من خلت أحد و خصوصا الحرمة أمريكية يعني شعر اصفر و عنين زرق و أنا شفت صورها على النت ( لأنها سوت مقابلة مع موقع الكتروني بمناسبة دخولها الإسلام). مع اني اغار و الغيرة تحرقنيييييييي بس بتجاهل الموضوع و ما ببين لزوجي ابد . مسوية ولا كانها هامتني .
الموضوع انه زووجي قبل لا يتطلقوا كان جابلها سيارة بناتي هدية ، ولما اطلقوا طلبتها من بس هو رفض و قالها السيارة باسمي و اللي تستاهلها مراتي الجديدة و هي اللي تاخدها (يعني انا )
قبل شهر جات عشان تشوف اولادها وقعدت ف فندق . و خلاص كده عدت السالفة . بس المفاجأة إني أمس قاعدة أتكلم ويا زوجي في التلفون و جبنا طاري السيارة قلتله لازم نبيعها لأني أنا ما عندي رخصة و مو محتاجينها ، قام هو صدمني و قالي أنا أصلا بعتها من فترة قصيرة .
أنا و ربي ماهمتني السيارة و أصلا ما كنت أبيها من الأول بس المشكلة إني خايفة يكون عطاها اياها .
بس هو ليش خبى علي معقولة يكون للحين يحبها ؟ أنا و ربي حيرانة و متأكدة إنه ما باعها و هي مو معاه .
ساعدوني يا بنات و اعطوني اراءكم . و ربي تعبت من الغيرة .
و آسفة لو طولت عليكم أو حطيت الموضوع في غير مكانه المناسب .
في انتظار ردودكم
