طلب ايدها في الستي سنتر

في اول ايام رمضان الساعه الواحده ظهرا
صديقتي وهي خريجه كيمياء وتعمل في مختبرات مستشفى حمد واختها اصغر منها طالبه سنه ثالثه ادب انجليزي يتسوقون في كارفور مواد غذائيه مهذي عادة الناس عندنا
الاخت لاحظت شاب يمر من امامهم اكثر من مره ويمعن النظر فيهم وتوقعت ان يكون مشبه عليهم او انه يحاول يتحرش فيهم وكانت نستعدة له برد يخليه يهرب من المكان
بعد فتره شافته يتجه صوبهم ويدفع عربه مليانه مواد غذائيه وفعلا استعدت له زين علشان تشرشحه
لكنها حسب كلامها فاجاها باسلوبه المؤدب وكم قالها بالحرف الواحد ( اختي والله انا ما اقصد اغلط عليكم في كل الاحوال انتوا اخواتي, وانا اسمي فلان الفلاني واعمل في المكان الفلاني وشفتك انتي مع البنت اللي معاك من اول ما نزلتوا من سيارتكم , ويعلم الله ان قصدي شريف وابغي اتزوج هذي البنت لو كانت مو مرتبطه واذا كانت مرتبطه فهي اختي والله يسترعليها , ردت عليه انه يعتقد ان هذا المكان المناسب لهذا الكلام ؟طلب منها رقم هاتف والد البنت او اسمه او اي واحد من اخوانها لكنها رفضت وطلبت منه يروح في حاله ويتركهم , حست انه صابه احراج شديد ودخل ايده في جيبه وطلع المحفظه وطلع منها كرته وحطه في العربه اللي فيها المشتريات وقال ياريت اي احد من الاهل يتصل فيني واكون لك شاكر والحقيقه هذي البنت اللي انا احلم بها وما اريد اقول اكثر واخذ عرته واتجه ناحية الكشير زما شافوه عقبها الى اليوم وصديقتي متردده تعطي الكرت لاخوانها لان والدهم متوفي
استشارتني وقلت لها اسالي صاحبة الشان ايش رايها وقالت لي ان شكله ما فارق خيال البنت واسلوبه المهذب
حواتي انتوا ايش رايكم ؟
كيف كان المفروض انها تتصرف؟
لا تبخلون علينا بالردود