عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه وبركاته
والله مني عارفه من وين ابدا يا بنات انا بهم مايعلم به الا الله
وماعندي غيركم اشكي لهم ويساعدوني بحل مشكلتي
هذا اذا لها حل 🙁
اسألكم بالله تكملون قصتي للأخيييير
أول شي بعطيكم نبذه عن نفسي .. انا بنت صغيره بـ العمر
وبـ فتره المراهقه تعرفت على واحد وحبيته وأستمريت معاه
8 شهور تقريباً وطول هالمدَه وانا ضميري يأنبني بالذات ان
اخواتي مالهم فـ هالطريق وأمي وابوي مايستاهلون هالجزا
مني ورجع لي عقلي الحمدلله وقررت اني اصارحه انه لازم
نبعد عن بعض وإني فقت من الغفله اللي انا فيها الرجال قمه
بـ الأخلاق والأدب وهذا اللي خلاني استمر معه 8 شهور
بس تمسك فيني بقوه وحاولت اغير رقمي ما قدرت وهو
يتصل وانا ما أرد تقريباً لمده سنه والله يابنات طول هالسنه
وهو يدق بين فتره وفتره وانا مقوييييه قلبي رغم اني احبه
بس دام بديت بـ هالشي لازم اكمله .. وفجأه توقفت إتصالاته
قلت الحمدلله اقتنع .. لأن كنت ارسل له اني مارح ارجع لهالطريق
وفعلا سمع مني وصار ماعاد يتصل ولايرسل ابداً ولمده سنتين
ومع السنه اللي كان يتصل و ماكنت اكلمه فيها صآر لي 3 سنوآت عنه !
المهم قبل اسبوع كانت عندي عمليه في القلب ..
ونسبت نجاحها بسيط سويتها خارج المملكه والحمدلله نجحت العمليه
*وقبل ماسوي العمليه كنت افكر فيه كثييير وأقول ياربي سامحني على
اللي سويته بهالإنسان لأنه كان يرسل لي قد ايش هو متعذب وااادعي
ربي يارب انا تركته لــ وجهك الكريم عوضني بحلالك عن حرامك وكانت
هذي دعوتي دايييم .. صديقتي تدري عن سالفتي مع هالإنسـآن وقالت
لازم يدري انك بتسوين عمليه وانا رفضت والمشكله انها تعرف الباسوورد
حق إيميلي وانا قد ذكرت قدامها اسمه بالإيميل رغم اني حاذفته بس
اخذته من عند الإيميلات المحذوفه وضافته عندها وقالت له ترى فلانه
بتسوي عمليه بـ القلب بعد كم يوم والمشكله انه طلع لسى يحبني
وبغى ينجن واصر عليها الا وتعطيه رقمي وعطته طلع هو وقف اتصالاته لأنه
جواله انسرق وانا ع بالي اقتنع بكلامي اول المهم يابنات صار يتصل
علي وباقي على عمليتي يومين والله العظيم اني لما سمعت صوته
جسمي اتقشعر 3 سنوااااااات ياعالم وحبي لسى موجود بـ قلبه
جلس يبكي ويقول تكفين ابي اجي اشوفك قبل لاتسافرين مع العلم
إن عمره ماشافني في ذيك الــ 8 شهور ولا حتى صوره
قلت له مستحييل اعصي ربي عشانك وتكفى امسح رقمي
وحاولت اني اكون قوييييه بس ماقدرت لأن وربي انكسر خاطري عليه
قفلت جوالي واستعديت للسفر انا وأهلي وسافرنا وتمت العمليه بنجاح
من فضل ربي وكانت صديقتي بالمسن تقوله عن اخباري وطمنته عن
نجاح العمليه ومن أول وصلت لــ جده وربي وهو مآوقف اتصالات وامس
رديت عليه وقااااال لي المفاجأه اللي ماكانت بـ الحسبآن
قال مو انتي تركتيني عشان ماتبين تعصين ربي ؟ زين انا ابيك بـ الحلال
والله يابنات ماتتصورون قد ايييييش الفرحه اللي كانت فـ قلبي بالذات
بعد ماشفت حبه لي وخوفه قبل ما اسوي العمليه وانه مانساني
طول هالثلاث سنين .. سكت وماعرفت وش اقول قلت له طيب بعدين
اكلمك انا الحين تعبانه وابي ارتاح .. قفلت منه وتلخطبت مشاعري
بين الفرح والحزن وربي جلست ابكي بحرررقه .. اقول لكم ليش ؟
مستحيييييييييل ابوي بيوافق عليه لأنه يماني !! رغم انه
ولد وتربى وعاش بالرياض حتى كلامه نجدي :ق0:
بالله يابنات وش اسوي الرجال ينتظر مني اجابه عشان بينزل
هو وأهله من الرياض لـ جده عشان يخطبوني واناااا مني عارفه
وش ارد عليه كيف اقول له مارح اتزوجك عشانك يماني وشلوون
انا آخر العنقود ولسى صغيره بالعمر وربي ابوي مارح يزوجني الحين
لـ يماني لو امممممموت .. رغم انه كأنه سعودي بس تضل الجنسيه مهمه !!
والله اني احبه ومارح الاقي إنسان يحبني ويخاف علي مثله
سامحوني على الإطاله بس تكفووووون ردو علي وش حل مشكلتي ؟؟
