طلبتك ساعدوني شورو علي وش الحل

حابه أشاوركم بموضوع……ومالي غير الله ثم انتم…..

بقولكم الحكايه …..

جتني قبل اسبوع صاحبتي الانتيم..فطوم..او مثل ما اسميها اختي…لان علاقتي بها من صغرنا هم جيراننا….وكل مراحل الدراسه مع بعض ماتفرقنا…..عاد اقولكم….ذاك اليوم جت لمي معصبه على قولتهم مطنقره……وقامت تخانق فيني يالخاينه ياللي معتبرتك اختي انا اخر من يعلم أمورك….هديتها وقلتلها فهميني شفيك….قالت ياااااااااااادبه الحين أنتي مفوته”يعني في حد متكلم يبغاني” وانا اخر من يعلم…..قعدت اضحك….قلت لها من بؤك لباب السما…..قالت انا اتكلم جد ما امزح….جاااريتها قلت طيب من قالك هالكلام قالت ابوك….ضحكت عليها واثقه البنت…..قالت قسم بالله ما اكذب….عاد حسيت ان الموضوع جد ومافيه مزح لأني اعرفها ماعمرها مزحت معي بكذب….قمت اسألها من قالك ؟؟؟؟وليش سألتو ابوي؟؟؟؟ومنهو هذا؟؟؟….سكتت صاحبتي .حست اني ما أدري عن شي..شافت علامات الدهشه بوجهي……قاسم بالله انصدمت….قامت تصرف بالموضوع قالت هااااه مادري امزح معك…..حلفتها بالله انه تقولي….عاد هي خوافه بس احلفها بالله تخر الاولي والتالي….قالت بقولك السالفه من البدايه حبه حبه عشان تستوعبين……
قالت تعرفين اخوي“”””””بسمي لكم اسم مستعار”””فهد””” طبعا هذا اكبر مننا ب10 سنوات…..وكان فهد حبوب مرررره معي لما اروح لبيتهم …..يدلعني وياخذني للبقاله وفطومه تغار مني وبس نتخانق انا وهي على من يحب فهد أكثر…..طبعا كنت مسنتره عندهم على طول ….وكنت احبه..حب الأخت لأخوها الكبير.ويمكن عشانه مدلعني و يشتريلي حلاو ويخليني اجلس بالشارع ….لان خواني يضربوني لو طلعت وكان هو اكبر منهم وكان يخانقهم….لما وصلت اول متوسط….كنت اروح عندهم ادور فهد اللي يلاعبني …يشري لي حلاو …يبوسني على خدي..يعلق على شكلي حلو اليوم….يلعب بشعري…..ماقمت اشوف الا رجال بهيبته وبكامل رجولته….مايعطني وجه ….وأذا كلمن كان يتطنز علي وعلى شكلي….طبعا من صغري وانا حلوه …ناعمه ودلوعه خبركم ببنيه بين اولاد …..ما البس الا اغلى لبس وأحلاه….كنت لما اروح لبيتهم من صغري تعودت اكشخ عشان اتغاور انا وفطوم واقهرها بملابسي الجديده…وتعودت حتى لما كبرت …عاد هو مايعجبه لبسي تنانير قصيره وبجايم ….ويخانقني اني البس هالبس واطلع بالشارع…اخته كانت تلبس مثلي بس يخانقني انا.. كان يقول.انتي تبغين تورين العيال جسمك وتستعرضين بملابسك….وبس يقولي تغطي …متى بتتغطين..المشكله انا بزر ماعندي هالشغلات ومو فاهمه وش يقصد……قسم بالله يوم عن يوم يزيد كرهي له..خبركم ببنت متوسط ودلوعه وماأحب احد يتحكم بي عاد صرت اكره بيتهم… انقطعت عنهم…بسبب كرهي له ..وكمان بديت اتغطى عنه طبعا كان وكتها عمري13 سنه وهو23………… هذي قصه بسيطه من حياتنا سوا بالماضي

نرجع لسالفتنا….قالت اخوي فهد …..كان يبغاك من زمان….يبغى يتزوجك….وكانت امي رافضه تقول ….خايف تضلمك معه لأنه اكبر ومنك ووكتها لما قالنا كنتي ب3 متوسط يعني عمري15 وهو25……طبعا مايأس وكان دايم يلح على امي ….بس ماتعطيه وجه تقول شف غيرها والله هذي مثل بنتي وانا ما أرضاها على بنتي……تقول اخته:من زمان كان دايم يسألني عنك وانتي تغير شكلك اولا ووشلون طبعك..وانا اجاوبه عن حسن نيه كونه يعرفك من صغر…تقول لما وصلنا 2 ثنوي 17 سنه قال لأبوي عنك وابوي وافق انه يطلبك من ابوك بس امي زعلت وتخانقت معه لأنه مو راضي ييصبر لما تتخرجين…..تقول صارت خنقه كبيره بينهم….وعصب وقال انا متعلق بـــ_زمان الثرثره اللي هي انا_ ولي سنين وانا اطلبكم تخطبونها بس والله لو ماخطبتوها لي تراني بروح لرياض من دون رجعه..ولا راح تشوفوني..طبعا هو عمله بالرياض مو بنفس منطقتنا حنا بالشمال…..عاااااد تقول اسبوع مايكلمنا ولا ياكل معنا بس من سريره لأستراحته…..عاد ابوي قام كلم ابوك وطلبك منه …ابوك رفض قال توها صغيره…..ولما قال لفهد رد ابوك….زعل فهد وقال ارجع كلمه انا ماأبغاها تطبخ ولا تسوي شي بجيب لها خدامه…..واخليها على راحتها لما تتعلم….عاد ابوه رفرض يدق قال والله ما أرجع اشحذه مو غصب هو مايبغى يزوجها الحين…….
سكت فهد ورضخ للأمر الواقع…. تبون الصراحه ابوي بهكالوقت لو كان شاورني اكيد برفض اولا لاني اكرهه وثانينا دراستي اهم

عااااااااد بهاك هالفتره تزوج فهد بنت خالت امه…… وحضرت زواجه وانا بثالث ثنوي….وانا ماأدري عن كل هالسوالف…..وكانت فطومه دايم تسولف لي عن زوجته انها كريهه وماتحبهم وماهي ملتزمه وتسمع اغناي….طبعا هو ملتزم كمان اهله…عاد تقول بس ترادده وتطول صوتها عليه….هم ساكنين عندهم بنفس البيت……عاد ماكمل معها سنه الا هو مطلقها……

طول ماهي تتكلم علي وانا مصدومه”””””وما بقلي غير كلمه وحده”””””فهد يحبني””””فهد يحبني وانا اكرهه”””””

عا اخيرا نطقت قلت لها ليش ماعلمتيني من زمان ان فهد يحبني ويبيني…..قالت خفت من مشاعر اخوي وكمان خفت عليك لا تتعليقين فيه ويرفض ابوك ولا يصير شي يفرقكم……

كملت وقالت جاني قبل 3 شهور وسألني عنك أنتي أنخطبيت اولا….فقلت له لا…..تقول قال الحمد لله….عاد تقول قلت له ليش شعندك…..تقول قال :بطلبها مره ثانيه…..تقول ضحكت عليه قلت انت مايأست ….. قال اللي يحب ماييأس….ولو طلبتها الحين ابوها ماراح يرفض ماعنده حجه هي الحين بالجامعه……تقول قلت له انت مطلق….قال هذا مايعيبني….بس أبيك انتي تساعديني…..تقول قلت شلون...قال روحي لزمان الثرثره…وأسأليها وش رايها فيني ولو تقدمت لها توافق علي….عشان ما أحرج نفسي مع ابوها….تقول فطوم رفضت …………تبون الصراحه زعلت منها الله لايسمحها ليتها قالت لي…..تحطني البصوره ع الاقل

تقول كلم ابوك وقاله ابوك بنتي مفوته………..

انا بحيره الحين ليش ابوي رده رجال ولا كل الرجال دين واخلاق ومنصب وفوق هذا عارفينه ولد جيراننا….يعني عشرت عمر

…لما رجعت للبيت قررت بسأل امي بس استحيت منها تنقد علي…..بس استخرت ورحت لمها وقلت لها السالفه اللي قالتلي فطوم بس مو بالتفصيل ….قلت مجمل القصه….وماقلتلها انه يحبني من قبل…..امي سكتت انصدمت…..قالت ابوك شلون ماعلمني …ولا شاورني وشلون انتي مفوته وحنا ماندري……..بعدين قالت امي يابنتي ابوك اعرف بمصلحتك….ومارده الا عشان شي كايد او انه يبغاك لشخص احسن منه…..واسكتي والله يعوضك احسن منه……………..

صدمتي امي …….ماتبغى تسأل ابوي عن شي…….او تكون هي عارفه بس ماتبغى تقولي….او عشانه مطلق مايبغونه……او خايفين من قبيلتنا لأني اناعتيبيه وهو شمري….مااااااااااااااااادري بنجن……….اولأنه اكبر مني ب10 سنوات لأن عمري الحين 21 سنه وهو31…….

انا افكر اروح اسأل ابوي ليش رده بس خايفه يقول عني اني ما استحي ورقلى ويحسبني ميته ع الزواج……………

كنت دايم استغرب ليش ما عمر احد طق بابنا مع اني حلوه ومو ناقصني شي…..اثاري ابوي يرد كل من جاني…..وهذا عرفتها..ويمكن الخافي اعضم

تبونننننننن الحقيقه ايه اناااااااااااااااااااا ابغى اتزوج ……………..وما ابغى الا فهد…..خاصه لما عرفت انه يحبني………..فيه مثل اجنبي يقول تزوج من اللتي تحبك ولاتتزوج من اللتي تحبها……لأن اللي يحبك يدللك يعشقك ي….ي….. ي……
صحيح اني اكرهه قبل ….. ولا عمره طرا على باللي انه
يجي اليوم ويطلبني لزواج…….بس الحين انا ابغاه ……دامي عرفت انه يبغاني……….

يابنات شورو لي …………….برايكم شسوي ….اروح اكلم ابوي ….ولا اقول لاخته عن مشاعري…ولا اقول لفطوم تخلي ابوه يحاول يطلبني……..بليز ابي حل ابغى اتفاهم مع ابوي ليش رده …..بقوله انااااااااااااااااااااااا مووووافقه عليه…………

بليز ساااااااااااااااااعدون دبروني……

قسم بالله اكتب لكم ودموعي على خدي…..يارب حلها لي ………..ياااااااااااااارب اجمعني معه أذا كان صدق يبغاني……

انتضر مشورتكم لي انا بحيره من امري لي اسبوع ………