طفوا لهيب قلبي يا بنات ..

الفزعه يا بنات

حاولت اختصر بس ما قدرت أبغاكم معايه بالصورة والله من القهرررررررر و عشان تحلونها لي والله تورطت توريطه ولااا بعد بتجيني جلطه والسبه مرة أخو زوجي (السوسة) أفترت وقولتني كلام ما قلته ,فضحتها عمتي وٍسألتني صح قلتي وقلتي عن بناتي عند السوسة والله واتصلت على سلفتي السوسة وسألت عن الكلام حلفت لي براس بنتها إنها ما قالت لعمتي كلام زي كذا هي وصلت الخبر لزوجها بإني حاسبتها وسألتها وقهرا فيه لأنهم يمدحوني إني حشيمه ومدري وشو ومن خوفها من زوجها تطلع الغلطانه وان انا الصح افترت عليه عنده وقالت إني قلت وقلت كلام على نفسي كلام ما يقوله لا عاقل ولا شريف عن نفسه المهم ردت فعل زوجها بعد كلامها بأنه حلف عليها ما تكلمني انا مادريت عن شي ,لااااا وحانه عليها وسامحتها في الكذبه عادي وكلمتها وقابلتها المهم راحت لأهلها وترسلي

رساله بتسوي مشكله بيني وبين زوجي فيها أنا أعرفك من زمان وحشتيني ….والرقم مميز والمرسل شخص مجهووووووووول وقالك مقلب هذا ,المهم ما اتصلت على صاحب الرساله هذي طنشت الا هي تتصل وتقول

حسبتكم رحتو لشرطه ارسلت لها وقلت لها تري هذا الرقم عندي من قبل لأتزوج وزوجي تري ما شك فيه بيوم

انتي بتشككيينه فيه عيب ومقالبنا ما ندخل فيها رجالنا أنا في مقلبي ما دخلت زوجك ليش تسوين

كذا عيب اتصلت تعتذر سامحتاها اللي بالصدفه اتصل زوجي على أمه وقال بنجيكم إلا هي تطلع لبيتها

وش القصه ما ادري ما خبرت شي تصالحنا رجعت بيتي وأكلت في نفسي فكرت وفكرت قلت أتصل عليها

وأسألها وعمتي تقول إنها كل متذكر المشكله تنصرع حزنت عليها وقلت خليني أتصل عليها وأدور

اتصلت ما ردت أرسلت ما ردت قلت اتصل على جوال زوجها واطلبها منه وأفهم ما رد عليه لما اتصلت أنا ما

هتميت أقول لزوجي عن هذا ونسيت وقلت إنه ما عرف رقمي لو رد بقول لزوجي المهم يجي العيد وسلمت وسلمت قدام الحريم بس قالت كيف الحال ما رديت عليها طنشتها وحده حالف عليها زوجها ما تكلمني خليها تشبع من أفكاره عدت ذيك الليله ولا كلام ولا شي اليوم اللي بعده عيدنا وعيد هم وعيد أخوهم الثاني وجابت أمها معاها كانها محضره لشي المهم إلا فعلا تسوي لي مشكله مع بنات أخو زوجي الكبير _مسوين اعيادنا عنده _على حذاتي أكرمك الله اللي دخلتها في

المطبخ لأن المطبخ سراميك وأنا يوجعني ظهري والصدق الأرض وصخه فيها دهون وكان عيدنا لازم

اشتغل بالمطبخ إلا تتز وحده منهم وتقولها ارمي حذاتها في الحوش تمشي على فراشكم

بالحذين وانا ما سويت كذا الغبنه إنه عمتي شافتني لما اجيب الحذين من الحوش وشهدتها عليهم

عشان لما تروح قدام عيالها تكون شاهده على ماصار بعد كذا تخش عمتي وتخاصمهم وغلا يتكلمون بكل

قلت أدب وهو متعود منهم ومن أبوهم وأنا الخبله من طيبتي الزايده والله العظيم حلفت لأمهم إني ما

مشيت على فراشهم والأم مع البنات ضدي لأنه زوجي مطلق أختها وانا من غباء حلفت وطلعت نفسي قدامهم كأني خايفه منهم والا انا ما ابا أحد يقول عني

شي غلط زوجي دري عصب رااااح فااير على أخوه اللي مرته السوسة الفتانه اللي هي البسبب ويقوله

أنا ما دخلت بين الحريم ولا قلت كلمه وحده قله صلي على النبي حرمتك زي القربه المخروووقه

وعشان كذا مانع زوجتي عنها _ زوجي واااااااااااثق تمام الثقه من عقلي وأدبي وطيبتي هو عارف

كل شي _ قاله زوجي وش الذنب اللي ارتكبته إلا هوووو يقوووووووول تقول وتقول على نفسها ما لا يرضى لا الله ولا رسوله حسبي الله ونعم الوكيل فيها وقاله

ازيدك من علوم حرمتك تدري إنها متصله على جوالي شخصيا هنا زوجي انجلط واتفاجئا إني ما قلت له

مارد عليه زوجي وقاله طيب الله خاطرك ومع السلامه ومشي مقهوووره يابنات مقهوووووووره من حركتي الغبيه

هذي ليش ما قلت له أنا أشوف إنه عادي لو اتصلت على جواله وطلبت مرته بعد ماهي رفضت ترد عليه

انقهرت وش جاتها من نميمه ابغى أفهم منها ليش كذا ولا عمتي تقول إنها مريضه حزنت عليها

,اللحين رجالها لافها وقايل لزوجي يمكن تبي تفرق بيني وبين زوجتي يعني إني ابغاه هووو

خبيث طلع بحق وحقيه وزوجي والله العظيم يقوله أنا احترمتك إنك بسواتك هذي بتحميني من الكلام ونشر

الكلام بس يا خوي لو قلت لي أحسن من إنها تكبر والا هو مصدقني يابنات ويعرف تربيتي بس

يقولي والله حسيت بالإذلال لما قال زوجتك دقت عليه وعاتبني زوجي

أنا وزوجي اللحين ندور لحل مو عارفين كيف نطلع منها ويقول لزوجي داقه الساعه 2 بالليل وش تدور هذا كلام بذمتكم يقوله أخو محترم عن زوجة أخوه أنا عاقله والله ما اسويها انا داقه عليه 2 بالنهار والله يقدعت أدعي عليهم وبأدعي إلين ما شوف فيهم عجايب قدرته

لا يقول زوجها إن زوجتك هي الي تحلف إن الكلام ما صدر منها وأن اليمين على من أنكر وهي تطلع منها زي ما تطلع الشعره من العجين

والله فكرت أربيها أضربها أطلع لها في بيتها وأحاسبها عدل بس زوجي يقول لو زوجها سمعها بيمد يده عليك ما راح يسيبك ولو لطشتها في بيت عمتي عمي بيطردني وأنا الحشيمه دايم بعينه كمان ما أقدر أخسر هذول الاثنين وأحس ما راح يشفيلي منها غير لما أدبيها ويعرف زوجها ذيك الساع إني بريئه من كلامها

تكفون هاتو لي حل واللي يرحم والديكم صلاة وجالسه اصلي وأدعي عليهم وأنا على وضووء على طووول وأحسبن عليها وانا قاعده وقايمه أدعي أبى منكم لو كنتوا مكاني اش تسوون

وأدعوووووووووولي عليها إن الله يفضحها قدام زوجها والله بيتي بعيد عنهم ولوحدي بس

وهذي المشكله هذي قلبت حياتي وخلتني مكسووووورة بلقبي إللين ما أخذ بحقي وأحاسبها