طفشششششششششت حيييل وودي اصييييييييييح…

انا بدش في الموضوع ع طووول..

وابي المساعده والنصيحه منكم خواتي وخصوصا من بنات القصيم وبالتحديد( بريده)

اولا/ بقولكم نبذه عني….. انا متزوجه

ثانيا/ بقولكم سالفتي….

انا يابنات كنت ساكنه في المنطقه الشرقيه(في الجبيل) وكنت في قمة السعاده والوناسه 😆 🙂 عندي اهلي وناسي فالدمام والخبر اروح لهم باستمرار

وعندي في الجبيل صديقات كثير وازواجنا في نفس العمل وكان دوامهم نظام شفتات ويروحون ويجون سوا

وكنا نجتمع ونزور بعض ونطلع للحدايق مع بعضو وبزاريننا يلعبون مع بعض ومبسوطين

احيان اذا كان دوام ازواجنا اخر الليل للصبح كنا نسهر عند وحده من صديقاتنا

لين يجي الصبح ونفطر مع بعض ثم كل وحده تروح لبيتها هي واولادها

كنا ساكنين في مجمعين جنب بعض

وفي ليالي الصيف كنا نطلع عوايل في الويك اند نطلع ع البحر ونجلس نسهر ع البحر لقريب الفجر

وفي الشتاء كان لنا مخيم خارج مدينة الجبيل نجتمع فيه وكنا 11 عائله ماشاء الله تبارك الله

وكان مخيمنا عباره عن قسمين كباااار واحد للرجال وواحد للنسوان

كان فيه مطبخ وغرفتين وخيمه كبيييييييييييييييييره هذا قسمنا وقسم الرجال مثله

وربي كان وناسه 😳

المهم مشت السنين واحنا ع ذا الحال وناسه وبسطه لاخر حد

لكن صج دوام الحال من المحاااااااااال

بعد كل ذا السنين والصحبه قررو ازواجنا وللاسف انهم يفرقونا عن بعض ➡ انهم يحرموننا من بعض

مو عشان مشكله صارت بينهم او صارت بيننا انا وصديقاتي لا

السبب انو كل واحد قرر ينقل عمله لديرة ومنطقة اهله عشان يصير قريب من اهله 😛

وقدمو ع نقل لديارهم وجلسنا فترة 8 شهور ننتظر القرار للنقل

وانا وصديقاتي ندعي ليل نهار انو مايتم ذا النقل وربي حتى ولدي كان يبكي يقول مابي ابتعد عن مدرستي واصدقائي ومدرسيني 😆

المهم مشت الايام وصحيت الصبح وكان يوم الثلاثاء24/5/1430هـ

وفاجأني زوجي انهم دقوا عليه من العمل وقالو له جاء قرار النقل انهم وافقو عليه انا صارت عيوني كذا

وانصدمت صدمه قويه ومر علي شريط حياتي وذكرياتي في الجبيل بلمح البصر

وجلست متنحه وساكته وزوجي كان مبسسوط ويرقص من الفرحه 😛 😆 hy:

وجاء ولدي من المدرسه وفتحت له الباب ودخل وشافني اصيح 😆 idea: وابوووه يرقص قال وش فيكم

قلت له خلاص بنفارق الجبيل والمسكين انصدم وجلس يبجي

المهم دقيت ع كل صديقاتي قالو حتى احنا اغلبنا جاء نقلهم وابعضهم بعدنا بسنه

احنا نقلنا للقصيم… وصديقاتي اللي راحو للرياض واللي لجده واللي لأبها…………..الخ

المهم جاء اليوم الموعود اللي هو يوم الفراق بعد ما لملمنا اغراضنا وعفشنا وقراشيعنا

وودعنا بعض وسافرنا كلن لديرته وربي يابنات اني بكييييييييييييييت من قلب يوم مشينا غمضت عيوني واحنا نمشي في شوارع الجبيل لين طلعنا منه ومسكنا خط الدمام وانا ابكي ولمن مسكنا طريق الرياض السريع كانت الشمس بتغيب جلست اناظر فيها لين غابت الشمس ودموعي قطعت خدي وهي تجري عليه مثل السيل غابت شمس اخر يوم لي في حياتي في الجبيل …غابت شمس احلى ايام عمري,,,, غابت شمس السعاده … غابت شمس شوفة صديقاتي… غابت شمس البسمه ع شفاتي..

طلعنا من الشرقيه ومرينا الرياض وطلعنا من الرياض ووصلنا القصيم وانا وربي ابكي وساكته ما اكلم زوجي زعلانه منه حييييييييييييييييل

المهم وصلنا القصيم واستأجرنا بيت ورتبنا وضعنا وسكنا ومشت الايام وصار لنا الحين ساكنين سنه و9شهوور في بريده ولنا اقارب فيها وزوجي نقل للقصيم عشان يصير قريب من امه لان ابوه متوفي اللي هو عمي الله يرحمه

مع ان امه ساكنه في حايل بس يقول اصير في القصيم وازورها بين فتره وفتره والمسافه بين القصيم وحايل ساعتين بس وهي احيان تجي عن اخوها في بريده اللي هو خال زوجي

المهم مشكلتي في هذا كله//// اني للحين ماتعرفت ع احد من الجيران كلن مسكر بابه ولا احد يعزم ولا احد يزور وربي كل ما اطلع ماعمري شفت زول حرمه في الشارع طالعه لين صرت اشك انو حارتنا ساكن فيها رجال بس بدون حريم 😎

حتى جارتي اللي فوق ماشفتها الا مره وحده اول ماسكنا عزمتها بتعرف عليها واخذت رقم جوالها لان ماعندها تلفون

وبعدها ماشفت الا غبرتها ولا عاد شفتها نهائيا حتى جوالها غيرته ولا اعرف شنو ظروفها

وربي عجزت اتأقلم ع بريده ولاني قادره استانس فيها مو عاجبتني السكنه فيها ولافيها اماكن نروح لها لان الحدايق فيها محدوده والمجمعات قليله اصلا هم مجمعين بس 👿

المهم يابنات مالكم في الطويله ابيكم تساعدوني وتنصحوني لاني من جد طفشت وودي ارجع للشرقيه

لاتقولون لي انتي بادري روحي انتي وطقي عليهم واعزمي… لانهم ابدا مافي اي نتيجه معهم لاني حاولت قبل كذا

وثاني شي لانهم حريم كبار وانا صغيره بالعمر 😐 يعني هم مو قدي شلون راح اقدر اتكلم معهم واخذ راحتي في الحكي لان اهتماماتهم غير عن اهتماماتي

انا نفسي بصديقات في عمري اسوالف معهم ويشاركوني اهتماماتي وكلامنا اكيد كله راح يكون عن اخر الموضات والقصات والماكياج 😆 🙄 😉

المهم انا ابي صديقاااااااااااااااات ابي اتعرف ع احد من بريده لاني بجد مليييييييييييييييييييت 😳

تكفون يابنات حسوا بمشكلتي و اعطوني حل بلييييييييييز الله يخلي لكم كل عزيز وغالي

انا انتظر ردودكم بفارغ الصبر

اختكم …(ام عبدالرحمن)