طفشاااانه ومقهووووووره وزهقاااااانه من زوجي

السلاااااااااااااااام عليكم
ياحبيباتي الله يخليكم قولوا لي وش اسووووووووووووووووووووووووووووووووووووي معاه مليت والله العظيم مليت منه ومن نفسي ومن كل شي خلااااااااص
ادري يمكن بتقولون موضوعك تافه بس انا مالي بعد الله غيركم افضفض له 😎
اسمعوني زين قبل شهر وتحديدآ ايام العيد كنا بالمنطقه اللي فيها اهلنا وانا كنت رايحه للدكتوره لاني باول شهر حمل وقالت لازم ترتاحين وماتسافرين بس زوجي العزيز رفض اني اقعد عند اهلي وجلس يقنعني اني ارجع الرياض معاه , قلت له بس اجلس عند اهلي اسبوعين وارجع لك ورفض وقعدت احاول فيه اني راح اتعب مره ولازم اكون مرتاحه بالسرير مااتحرك ومن هالكلام وهو معند على رايه قال ايش مايبي يرجع للرياض لحاله ووافقت واهلي زعلوا مني فكروا اني انا ماابي اجلس عندهم
بس المشكله ان من رجعنا للرياض وانا وزوجي بس مخانق ليش ماادري على كل شي يعمل خنقه ودايمآ برا البيت بالنهار بالدوام ولما يرجع يتغدى وينام ويقوم مع اذان المغرب ويطلع ومايجي الا الساعه 11 او عشره ونص واحيانآ يتـأخر لل12 .
والله مليت من الجلسه لحالي بالذات اني مااعرف احد بالرياض واذا كلمت اهلي يقولون لي تستاهلين ليش ماجلستي وانتي اللي رحتي ومن هالكلام والله صرت ماارتاح اذا كلمتهم واذا اتصلت عليه هو يقول لي انا مشغول ماني فاضي للتحقيقات ومدري ايش.
والله يابنات طفشت مليت زهقت تخيلوا يوم الجمعه طلع من قبل صلاة العصر يقول عنده شغل ومارجع الا الساعه سبعه ونص وبعد ما جا وارتاح وجلست اسولف انا وياه قلت له الله يخليك خلينا نطلع انا مليت من البيت قال انا تعبان ومالي خلق قلت خلاص على راحتك والله العظيم ان بعدها بربع ساعه بس قام وطلع ولا كاني موجوده وبصراحه انقهرت وارسلت له على طول <<ماتخاف ربك اقول لك نطلع تقول تعبان والحين طلعت عادي<<<< وبعدها بربع ساعه جا وقال قومي نطلع بس بعد وش وتخيلوا وين رحنا وداني لمحل قريب منبيتنا عشان اخذ اغراض البيت ورجعني وهو زعلان قال ايش هو طفشان من المشاوير
بالله وش اعمل معاه هذا جنني زهقني عيشتي ادري طولت بس سامحوني مالي غيركم 😐