عالم البنات النسائي كل ما يخص المرأة العربية من ازياء وجمال والحياة الزوجية والمطبخ
حبيت أنزل هذآآ الموضوع عشــآن أفيــد طالبـــآت ثالث ثانوي ( ثاني دفعة تتخرج بأسئلة من المدارس 😆 🙂 ) بكل الللي حصل لنا, لأني مثل هذآآ الوقت العــآآم المــآضي كــآنت نفسيتي في الحضيض والمشكــلة ما عندي أحد أرجع له أو أستفسر منه عن كل اللي كــآن رآآح يصير لنــآ ابتداء من الامتحانات من وين من الوزارة او المدارس او تباادل و من هالكلام و التحصيلي والقدرآآت كيف رآآح نمتحنها و كم بيىىىاخذون منهــآ و السنة التحضيرية ايش سالفتها و ايش التخصصآآت اللي تتضمنها السنة التحضيريه هذي كلهــآ هي المراحل اللي مريت فيها ولا لقيت من يرد ع استفسارتي …
نبدأ بسالفة الثانوي و نسبة 2 و 3 و القبول بالجامعات …
التخصصــآت كلهــآ رآآح تاااخذ ( 70% من الثانوي 15% قدرات 15%تحصيلي )
باستثنــآء الكليات الصحية التخصصات الصحية في جامعة الأميرة نورة و هي الصيدلة – العلاج الطبيعي- التمريض ( راح ياخذون 50% من الثانوي و 20%قدرات و 30% تحصيلي )
أما الكليات الصيحة بجامعة الملك سعود و هي البرنامج الموحد للكليات الصحية و طبعا البرنامج الموحد ما فيه تخصص الا بعد اول سنة ع حسب معدلك بالسنة التحضيرية تدخلين طب بشري او اسنان او صيدله او علوم طبية – العلوم الصحية نفس الشي التخصص ما تحددينه الا بعد اول سنة و للحين ما ندري وشي تخصصاته لأنه أول سنة له هذي سنة (رآآح ياخذون 30% ثانوي 30% قدرات 40% تحصيلي )
و هذا الرابط رآآح يفيدكم بالإطلا ع ع الرغباات اللي رآآآح تظهر لك بالبوابة ( بوابة القبول الإلكتروني)…
http://w6.rgu-admit.net/plandetailviewreport.aspx
طبعا الجامعات اللي قلتها اللي بمنطقة الرياض …
نجي لللقدرات والتحصيلي الامتحان طبعا رااح يكون وااحد مدموجة مع بعض الامتحانين مقسم لـ6 اقساام قسم لغة انجليزية و قسم قدرات عبارة عن قطعة واسئلة عليها تختارين الإجابة الصحيحة و مجموعة من الأسئلة إللي تشوفونها بكتب إمتحانات القدرات و 4 اقسام كل قسم 28 او 30 سؤال عبارة عن اسئلة مختلفة بالاحيا والرياضيات والفيزيا و الكيميا بس اكثر شي كان رياضيات و كل قسم له 30 دقيقه اهم شي لا تخااافون ترآآ ما ضيعنا إلا الخوووف خوذوا الامتحان ع أساس انه لعبة كأنك فاتحه الصفحة الأخيره اللي تجي بالمجلات الألغاز و الأرقام وحوسي لين ما تطلع لك الإجابة 😆 ولاااا تشوفين الإجابة إلأا بعد ما تحلين إذا طلعت نفس حلك حطي وتوكلي ع الله للسؤال اللي وراه و فيه كثير بنات تراا حاسهم الوقت يعني خوذوا احتياطكم أنا والله مــآ أدري حسيت الوقت مناااسب مررا وفيه اقساام خلصتها و كان والله باقي من الوقت يمكن 5 او 6 دقاايق …
و اللي فادني بالاختبار التحصيلي أنا اشتريت كتاب رام التحصيلي وكاان جدا ممتاز , وانتم حاولوا تشترونه من اللحين وفيه ملزمة للعضوة صابرينا هنا اشتروها يمكن تفيدكم , اما بالنسبة للقدرااات فأحلى كتاب شفته كتاب الأمين للقدرات حسيته حلوو مع اني تراا ما ذاااكرت القدرات الا قبل الاختبار بسااعه بس عموما اعجبني تسلسل الأفكار فيه و طريقة حله للأسئلة…
و الحمد لله بالأخير جبت فيها بـالـ80 و دخلت السنة التعذيبيه 😉 عفوا التحضيرية …
السنة التحضيرية رآآح أتكلم عنهــآ بشكل مفصل بس لين ما تتضح لي مررره لأني للحين أحس ما اتضح لي كل شي فيها L , للي ناوي يدخلها …
الله يوفقكم وينولكم إللي ببالكم , و أي استفسار أنا حاضرة , وياليت طالبات العام الماضي يحطون تجاربهم …
و أتمنى إنكم تدعون لي إني أتوفق بحيـــآتي وأطلع من السنة التحضيرية بدون إصابات 💡 …
