طريقتي في اهتمامي بنفسي……

طبعا كل بنت بطبيعتها بتهتم بنفسها ..
والكل يبغى يصير لونو ابيض ويتوحد لونو …
😉

انا عن نفسي اهتم بس بطريقه عشوائيه .. كل كل ما احس نفسي فاضيه اعملي شغله .. ❗
بس لقيت انو بيمر اسبوع ورا اسبوع وانا ما عملت شي كامل …!!

فقلت خلاص اعملي جدول ننوس ( زيي ) واداوم عليه ..

وعملتو واتفضلوه

================================================== ========
يوميا :
صباح : اغسل وجهي بغسول فيتامين e من بودي شوب وبعدها امسح وجهي بموية ورد وبعدين احط الكريم المرطب بالفيتامين e برضو ..

الليل : اغسل وجهي بصابونه زيت الزيتون وبعدين امسح وجهي بموية ورد ..

وبالنسبة لجسمي طبعا كل يوم نستحمى ( انا كنت استحمى بشاور جل من بودي شوب .. بس مني لاقيه منو فايده فمن بكرا ان شاء الله رح استحمى بصابونه رحيل اللي هيا عبارة عن صابونة دوف + فكس + فازلين )
وبعد الاستحمام ارطب جسمي بلوشن عبارة عن ( فازلين – فكس – نشا – موية ورد – زيت زيتون – جليسوليد – ليمون ) ترا الكل بيمدح فيها … بس للجسم مو للوجه اوكي؟
—————————————————————————————————————————-
أسبوعيا :
مره في الاسبوع اعمل تنظيف بشرة وجهي / تقشير – بخار/ والماسك ( اختار الماسك اللي يناسبني طبعا )اعملو مرتين في الاسبوع ..
ومرة في الاسبوع اسوي حمام مغربي وطبعا اعمل معاه ماسك للجسم كامل
ومرة في الاسبوع أو مرتين اسوي حمام زيت لشعري…
مممممممممم وكل اسبوعين اسوي بديكير واشيل شعر جسمي …
—————————————————————————————————————————

وبس انا دايما بعمل كدا بس زي ماقلت عشوائي لكن دحينه لمن التزم ن شاء الله الاقي نتيجه احسن .. انا لوني حلو بس ابغى ابيض زياده لاني بدأت اسمر كتييييير …