عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم و رحمة الله و بركاته
كيفكم يا غاليات ان شاء الله تكونو بالف خير
مع انو كان موسم مشمش فانا جبت منو كميات كبيرة و حفضتها بالفريزر
و عملت منو مربى المشمش واليوم رح انزل لكم الطريقة الخاصة بي
المقادير
3كيلو مشمش مغسول و منزوع العضم
2 كيلو و 250 غ سكر (كيلو مشمش بعمل معو كيلو الا ربع سكر)
الطريقة
بعدما شلت عضم المشمش و غسلتو عملتو بالطنجرة و عملت معو السكر و سكرت الطنجرة و خليتها الليل كلو الصبح فتحت عليها بتلاقو انو صار فيها شوية مي بتحطوها على النار
و مع التحريك بملعقة خشب و على نار هادية جدا
انتبهو لانو بعمل رغوة و لتسيح على الفرن
استمرو بالتحريك لحد ماتروح الرغوة خالص هيك بتعرفو انو استوى
بتسبوه يبرد شوي بعدين بتعبوه بزجاجات و تفوتوه على الثلاجة لحد ما يبرد كويس ويصير جاهز للاستعمال وبالف صحة وهنا
شوفو كيف بيصير لما يبرد كويس
ملاحضة
لو حاين تبقى قطع المشمش بتسبيه كما هو بس يبرد و تعمليه بالقنينات اما لو حابة انو يكون متل الصوص بس يبرد شوي تطحنيه تم تعبيه بالقنينات
