عالم البنات النسائي كل ما يخص المرأة العربية من ازياء وجمال والحياة الزوجية والمطبخ
طريقة عمل المقلوبة
ح اعملها بسرعه لعيون فراشتنا
أم أنها ر
دجاجه مسلوقه اربع قطع والشوربه بتاعتها –
ماتنسيش تقطعى بصله عليها مع حبهان ومستكه وفلفل اسمر
يمكنك استبدال الدجاج بقطع اللحم المسلوقة بتكون اطعم
حلقات بادنجان مقلى- ضعيه على ورق نشاف بعد القلى للدايت
حلقات طماطم
حلقات بصل
بصله مبشوره عليها فلفل اسمر وملح
رز – سمنه او زيت – ملح – كركم
الرز بعد النقع ربع ساعه ( عشر دقايق تكفى )
صفيه خالص وضعى عليه البصله المبشوره وقلبيهم مع بعض
مكسرات للتزيين لو عايزه وحمص مسلوق وتومه مقشره وصحيحة
السطر الاحمر بمزاجك
ضعى السمن او الزيت فى الحله ورصى حلقات البصل ثم حلقات الطماطم
ثم حلقات البادنجان ثم الفراخ المسلوقة وفوقيها حلقات اخرى كالسابق
وباقى المطلوب لو عايزه ماعدا المكسرات خليها للزينه
وفوق ده كله الرز المخلوط ببصل مبشور وفلفل اسمر وملح
وتحطى عليهم الشوربه المغليه وفيها الكركم
بس حطى طبق فوق الرز علشان الشوربه ماتعملش حفره
وبالراحه وطبعا ماتقلبيهاش خالص
واستنى لما تغلى كويس من كل ناحيه وتوطى عليها
ولما تستوى تقلبيها فى طبق كبير بتاع التقديم اكبر من الحله شويه
علشان لما تاخدى منها مايقعش بره لانها حتكوون عاليه
وتستنى شويه علشات تمسك فى بعضها
وبعدين تشيلى الحله بالراحه للحفاظ على شكلها
واذا فضلت حاجه ماسكه فى قعر الحله شليها بالراحه وحطيها فى مكانها
وتجمليها بالمكسرات
حيكون شكلها زى التورته بالضبط
وبالراحة احسن تاكلى صوابعك وراها
وبالهنا والشفا على قلوبكم
ملحوظه شكلها بيكون اصفر بكتير عن الصوره من الكركم
