عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ازيكم يا احلى فراشات
بعد موضوع حنان الجميل عن البط والكسكسي
جت لي فكرة اني اعمله في البيت واصور لكم الطريقة بتاعته
تعالو نشوف مع بعض
كوب ماء مذاب فيه 1 ملعقة صغيرة ملح
الطــــــريقة
في جهازين مهمين عشان تعملي الكسكسي
الكبة وحلة الرز او حلة بخار
نرش رشة مية خفيفة على الدقيق زي الصورة كده
وبعدين نجمع الدقيق بين الكفين وندعكه بحركة دائرية لحد ما تختفي المية
ونرجع تاني نرش كمية مية خفيفة ونكرر لحد ما تخلص المية ولحد مايختفي كل الدقيق البودرة
ممكن نزود ربع كوب مبة تاني على حسب الدقيق المهم ماتزوديش المية عشان ما يعجنش
ويبقى شكله كده
وبعدين نحطة كمية منه في الكبه ونفرمها
ونكرر لحد ما تخلص الكمية
حيكون شكله كده
انا بعمله في حلة الرز على البخار
وطبعا لو عندك الحلة بتاعته يكون افضل
ولو معندكيش الاتنين اعمليه في مصفى وتحتهتا حلة فيها مية
بجيب المصفى بتاعت حلة الرز واحط فيها قماشة نظيفة واحط فيها الكسكسي
اقفلها كويس واحط مية في الحلة نفسها من تحت واغطيها واشغلها واسيبها ساعة
لحد ما ريحة الدقيق تختفي من الكسكسي
بعد كده احطها في صينية كبيرة واقلبه لحد ما يبرد
وارجع افرمه مرة كمان في الكبة
وبكدة يكون الكسكسي جهز
عند الاكل بس تضيفي عليه زبدة او سمنة وتسخنيه على النار
لو عايزة تاكليه حلو زودي عليه سكر وجوز هند وزبيب ومكسرات
او تاكليه جنب بطة حنون والشوربة
او تعملي جنبه كوسة وبطاطس في الصلصة بتبقى حلوة اوي
انا شخصيا بحب احط عليه سكر ولبن بس
وبالهنا والشفا ان شاء الله
