عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هاي بنات
اتمنى الاقي منكم الردود
لاني صج تعبت على مالقيت كل لون خخخخخخخخخخخخ دشيت قوقل جني اتسوق
مثل ما اقعد بسوق الميكب ساعتين قعدت فيه خخخخخخخخخ
المهم
انا بحطلكم الحين جم طقم من الالوان
والباجي اذا عجبكم اكمل بعدين
اول شي التشكيله تتضمن الحمره والتحديد والبلاشر والقلوس والاي شدو
وللمعلومات
احب القلوس يكون افتح من لون الحمره اذا كانت غامجه واذا فاتحه القلوس غامج
والتحديد اغمج من لون الحمره
وبكل الاحوال يكون الايلاينر والماسكرا محطوطين باللون الاسود
وبالنسبه لرسمه الاي شدو اذا بحط لونين عالزاويه لون وبالداخل لون والغامج اهو الي بالزاويه
نبدا مع اللون الوردي المشمشي الفاتح
http://www.9m.com/upload/24-05-2007/0.129650117994.JPG
هاللون وايد حلو حق الصبح والعصاري
الاي شدو ممكن ينخلط مع الفستقي الفاتح او من نفس اللون مثل ماتشوفون بالصوره ونفتحه بلون يشب لون القلوس فيصير مثل لون الحمره والقلوس وومكن هني نغير بلون الكحل ونخليه فستقي تحت العين
2
الذهبي
انا غرامي الذهبي والبرونز
يخلي الويه غير
http://www.9m.com/upload/24-05-2007/0.837011799889.JPG
واحب بالشدو مع الميكب البرونز اخلط ذهبي اما مع زيتي او تركواز الفاتح او السماوي الي يكون على شكل لمعه خفيفه مولون قوي
يعني ممكن نخلط الذهبي اما مع
– البني البرونز
– الزيتي
– التركواز او السماوي
وعموما الذهبي يمشي مع وايد الوان
والبلاشر ينخلط كله وينحط والتحديد لون القلوس والحمره فاتحه ولان الحمره فاتحه هالمره القلوس اغمج
3
نيي حق هاللون الغريب اسميه قمر ديني
حلو وايد
http://www.9m.com/upload/24-05-2007/0.3672901179961146.JPG
ولانه غامج شوي نحط قلوس افتح مثل الصوره وممكن نخلط قلوسين
ونفس الطريقه مع الاي شدو لازم يصير تناسق بين الحمره والاي شدو
والباجي واضح ونفس اللون
وانا اخترت الذهبي المايل للقمر ديني للتفتيح بالقلوس والشدو
4
اخرشي الوردي
والوردي عاد درجات
عشان جذي لازم نختار عدل ان اللون لكل شي قريب لدرجه معينه من الوردي
http://www.9m.com/upload/24-05-2007/0.83201179961337.JPG
اخترت هالدرجه
واحب للشدو مع الوردي اما بنفسجي فاتح او سماوي
ووايد الوان تمشي مع الوردي مثل الاصفر
اذا عجبكم ان شاءالله اسوي واحد ثاني
للبرتقالي والمشمشي الاورانج والبنفسجي واعنابي وغيره
