عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا …
مااحب المقدمااات ابد .. <<بلاك ماتعرفين تسوين مقدمه 
هذا الموضوع امتداد لموضوع الاخت الي طلبت من العضوات طرق تعطيرهم للجسم …
اليوم ياطويلات العمر والسلامة بعطيكم طريقتي في التعطير ..
حبيت احطها في موضوع مستقل لأن اعرفني هذرتي كثيرة ..
ولازم يكون لي موضوع باسمي اخذ راااحتي فيه <<<
أول شيء نبدأ بالشعر …
طريقة التبخير الكل يعرفها سواااء بخرتي شعرك بعووود ولا بخوووور
ولا مستكة ولا مر <<الأخيرة سقطت سهواً 
المهم في كذا طريقة باستثناء التبخير اسوووويها بحكم اني مااحب الخمريااات احس ريحتها ثقيله ومركزة واااحسها تتفاعل مع الشعر احيااانا ..
ايش سويييييييييييييييييت ..
بأقولكم ايش سويت <<< تسمع بالتشوووويق 
اشتريت خمرية .. وجبت علبة اسبراي فاضية …
حطيت شووووي من الخمرية وخففتها بمووووية ..
صرت لما اتحمم ابخ بخ بشعري كله من غير مااركز على منطقة معينه وانا مطمنه
لان الريحة مخففة وطالعه تجنن وتفوووح بشكل اهدى وأرووووق … 😈
الطريقة الثااانية واللي انا اعشقها …
طريقة التعطير ببودرة الجسم ..
وهذي الطريقة تصلح للي شعووورهم دهنية لانها تمتص الدهون من الشعر زي الملح يوووم يمتص القهوة المسكوووبه على الموكيت .. <<<
ولا الي عندها مناسبة وتبغى شعرها يحتفظ بالريحه الزينه …
أحيانا حتى لما اتروش مرررة ثااانية تبخ الريحه وانا اكوون حاطتها لي فترة
بالنسبة لي استخدم بووودرة من اجمل سعرها روووعه وريحتها اروع
تشبه ريحة كوكو شانيل بس هي لانها بودرة طالعه الريحه خفيفة وحلوة
هذي صورتها
http://www.***********/up/uploads/images/shamoa-339456b781.jpg
لما اتحمم واغسل شعري بالشامبو واللي علي بالخير
اخفض راااسي بحيث ان شعري كله يتجمع على قداااام ..
وامسك البودرة وافتح شعري من جهة الاذنين والشعر من ورااا واكب من البودرة وافرك في الفرووووة
وبعدين اغسلها زيييين عشااان ماااتتحسس الفروة
وشوووفي الريحه كييييف
تعطييير الملابس …
مرررة جبت بلوووزتي حقت العيد …
وشطفتها بمووية وكويتها وكااانت لسه رطبة …
وعطرتها من عطري المفضل <<عطري المفضل اعجبتني الكلمة احسها ماتجي الا في المواضيع الكشخه 😛
المهم وطبقتها زييييين وحطيتها بكيس وربطتها زييييين
وحطيتها بالفريزر …
والله يابنااات لما طلعت البلووووزة الريحه ثااابته وتجنن
لأن الموية الرطبة جمدت بالبلوووووزة ولصقت فيهااااا بقوووة
وفيه طريقة ثااانية تعطر دوووولابك وملابسك
انا لو مااااكان فيني حيل امسك كل لبس واعطرة ..
أخذ بلووزة من البلايز المعلقة في الدولاب
وابخبخ فيها كل عطوووري المفضلة <<<جازت لي الكلمة
واعلقها في النص واقرب الملابس الثاانية منها عشاان تعديهم بالريحه الزينة
والدولاب تجلس ريحته حلوة
والتطبيق في طريقة انك تعطرين منديل وتحطينه بين الملابس المطبقة
وفي طريقة انا اسووويها قبل لا اطلع ولما يكون عندي زيااارة
اجيب اللبس المراااد لبسه <<يمديكم على الفصحى
المهم واجيب علبة اسبراي جسم فاااضية واحط فيها بخااات من عطري واخففه بمووووويه وارش على البلوووزة لما ارطبها
واجيب البخور وابخرها ..
وشوووفي الريحه كيف
ماتدرين انتي بخور يمشي على الارض
ولا عطر يبخ على الارض <<ماتبااالغ ابد 
البلل يمسك الريحه اكثر من لما يكووون اللبس ناااشف
تعطير فرش السرير
خالتي الله يطووول بعمرها تقووول انها تحط على فرش سريرها بودرة جسم معطره وتتقلب عليه تعب مع نفسها يعني 😳 .. وتصير ريحتها بودرة وسريرها بودره وبعدين تنظف الفرش وتبقى الريحه
اسرع من كذا مااافيش … 
وكمااان طريقة انك تجيبين شرشف وتشطفينه بالموووية وتعطرينه بمعطر الفرش وتبخرينه وهو رطب وحطيه تحت شرشف السرير مباااشرة وشوووفي الريحه كل ماتبطحتي
وفي نهااية الموضوووع في اشياااء انا مجربتها شخصياً واعجبتني
تتعلق بموضوووعنا اعلاه …
أول شيء زيت الترطيب من جونسووون بيبي اويل الي غطاااه اورانج واللي غطاااه اخضر
الاثنين هذي مرررة ريحتها رووووعه .. وعطريه وتغنيك عن العطر
ثااني شيء ..
مزيل عرق اسمه ريكسونا .. بنت خالي بشرتها حساااسه جداً
وراااحت لبرفسورة في جده معروفه
لأن جلدها تحسس من مزيل نكتار وقالت لها استخدمي ريكسونا انا استخدمته وجداً رائع
متوفر بكل مكان حتى ابليس توقعي انه بااسط فيه ويبيعه <<كناااية عن الوفرة وكثرة التواجد
فيه طريقة مزيل جناااان جنااان
وانا سويتها وربي يابنااات تخلي ريحتك بيبي ونظااافة وطبيعيه وماتضر وتفتح كمااان بقووووة
تجيبين ربع تووولة مسك العروسة من عبد الصمد
وملعقتين نشا .. وملعقتين شبه مطحونه
موية ورد مالها مقدار معين بس صبة بسيطة
كريم دوف المقاس الصغير
تخلطين النشا والشبه مع بعض وتصبين عليها المسك وتصبين عليها موية الورد
بعدين تخلطينها مع كريم دوووف وحطيها بعلبة الكريم وخليها في الثلاجه
طبعا الخلطة كريمية حاولي ماتخففينها مرررة يعني لتكثرين موووية الورد عشاان ماتجي سااائلة
عطووور اعجبتني
عطر الور
http://mhrschool.net/vb/imgcache2/1655.gif
هذا عطري الي خففته بمووويه واستخدمته في اغراض كثيرة
لما خليته يكره الساعه الي اشتريته فيه 💡
عطر جفنشي
http://www.wfeet.com/up//uploads/ima…bb6e362df6.bmp
عطر ريتشي ريتشي
عطر اسكادا الفراشة الذهبي
عطر فلور بومب من قوتشي
عطر استيلا
عطر قوتشي الجديد الذهبي
<<<يطول الحديث حول العطورررر
اشياء سمعت انها حلوة بس ماجربتها .. <<صار بحث مو موضوع
بودرة العود من اجمل ..
عطر ديزل
عطر فلورا من قوتشي
اممم ووووبس
واخيرا ومابغينا نخلص
اعتذر عن الاسلووب الطعسي .. انا في مواضيع معينه مااحب اتكلف فيها .. او بمعنى اصح سوالف معينة 😛 👿
اطرحها بأسلوووب حريمي بحت <<يعني كاني جالسه اكل مكسرات واشرب شاااهي وانتوا متربعااات قدااامي
ادعووولي ربي يوفقني .. حتى لو مااعجبكم الموضوع 
