طرق علاج الملل

——————————————————————————–

امسكي التلفون وكلمي صديقة من زمان ماكلمتيها واسترجعوا
ذكرياتكم مع بعض اول منها راح تمشين وقتك ومنها راح تجددون
علاقتكم .

اطلعي الحوش ولا السطح و افرشيلك فرشة وانسدحي على ظهرك وتآملي النجوم واسترخييييييي وتاملي ؟؟؟

قصي اطراف شعرك ..كل ما مليتي روحي عند المرايه وقصي الاطراف(بس شوي ) ..اراهن انكم بتصلعين على هالحالة خلال اسبوع .

امسكي المسجل ودوري فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواشات وكل شيء..

امسكي الريموت كونترول واحذفي كل المحطات من الرسيفر وارجعي حطيهم من جديد (هذا وجهي ان رجعتي منهم شي ) اذا ما تكفختي بعد .

تحدي مع نفسك تـقعدون نص ساعة كاملة بدون ما تتكلمين مع اي احد او تفتحين ( فمك ) نص ساعة طبعا بوجود الجميع (ما احد يقدر يسويها ) وخاصة الكائنات النسائيه .

سوى بطرانه وغيرى مكان اثاث غرفتك كل يوم وخلال شهر راح تغيرن غرفتك كامله من كثر ما تحوسين فيها .

لو خذيتي دش وقعدتى ساعتين بالحمام (اكرمك الله )هذا وجهي.. اذا ما طلعتى تدورين الفراش .( من ايش ما ادري )

نظفي ماسنجرك سوي ديليت للناس اللي من زمان عنهم مادخلوا وبلوك للناس الثقيلين الدم وبعدين سكري الماسنجر ونامي .

ألفي مسجات جوال ونكات ماسنجر وخذي مجلات فواصل وديوان خالد الفيصل وطلعي منه ابيات شعر تصلح للماسنجر واكتبيها بورقة وبعد ما تكتبينها .. بلي الورقه في كأس واشربي مويتها … .

ادخلي غرفتك وحطي مكياج كامل كانك رايحة عرس ولطخي وجهك تلطخ وتصوري علشان تعرفين شكلك بدون مكياج .

افتحي دولاب ملابسك واقعدي قيسي ملابسك وحده ورا الثانية يمكن يجي الصبح وأنتي ماخلصتي من كثرهم .. البسي المريول اذا انتي تدرسين وروحي المدرسه .. او الجامعه

روحي المطبخ سوي كيكة (هذا وجهي اذا حد كلها ) .

تعلمي لغة غريبة مثلا كلمات معنية باحد اللغات واقعدوا اكشخي فيهم وتفلسفوا قدام اهلك وصديقاتك ..

اطلعي وانزلي الدرج عشرين مرة كل يوم منها تتمشين ومنها تنحفين (يادبـى) ذبحك القعود والفضاوة .

خذي مجلات قديمه واقعدي قصقصي صور ولصقيها بلوحة او في غرفتك وبعد كم شهر شيليهم (بتطلع المواهب) وبتصيرن خياطه او قصاصة ورق.

اطلعي حوشكم والعبي كورة وكسري لمبات لبيت وخلي الوالد يمردغك هذي احلى حركه .

😐