طحت وبيدين بزر الله لايوفقه الواطي الي صار لي حتى بالحلم مايصير

كيفكم يافراشات

اليوم اكتب لكم وكلي قهر من ظلم الي لقيته

بدخل بالقصه على طول

انا بيوم كنت مره متضايقه دخلت شات وهالشات كان مره زحمه عالم اول مره اشوفها بهالشكل

يعني مو طبيعي

دخلت روم مدينة الرياض الي هو رومنا

وبنفس الروم تعرفت على واحد
وبنفس الحي تقريبا طلع

بس ماكنت عارفه

طبعا هو اصغر مني بكثير وكان عارف هو اني اكبر منه

وكان مبين من اسلوبه انه توه عارف شيء اسمه نت

حسيت انه طيب وعلى نياته

وكان مره خلوق بس يدوب يطلع كلمه ورا الثانيه يعني حتى الكتابه كان مبين مايعرف يكتب بسرعه

المشكله اني لما جيت اطلع قالي والله والله والله اني جالس ابكي ومدري وش ودموعي مغرقه الكيبورد

يعني ليش اني بطلع وصراحه ما ألح علي بالايميل مع اني ما اعطي احد ايميلي بس هو مره كان ملح ببكاءه
بس ماكان ملح مره عالايميل وقال مابي تعطيني الا برضاك

صدقته واعطيته وطلبته يوعدني اني اكون اول واخر بنت قال اوكي
قال انا اخاف يجي احد ويضحك عليك واخاف من الناس الي ماتخاف ربها عليك وقاعد يسوي لي فيها

وانا في نيتي انه مجرد اخ وبس لانه اصغر مني بواجد يعني رحمته وقلت اوكي حيكون لي اخ اصغر وبس
بس ماحسسته بهالشيء مع ان كلمه والثانيه اقول خيووو خيي ومن هالكلام

اضفته انا لاني حسيته مايعرف يضيف وبعدها قابلته بالايميل يمكن مرتين وكان ووقتها محدود جدا

طبعا انا احط تسجيل دخول تلقائي بجهازي لانه خاص فيني وما اخاف من احد حتى لو احد فتح ايميلي

الي حصل اني كنت نايمه فتح اخوي ايميلي وكان الواطي متصل

كلمني عباله انا بس المشكله هو اخوي

قال من انت قال انا فلان

قال اخوي ياوطي من انت ومدري وش وتهاوش معه

وقاله لو فيك خير هاتي رقمك وقابلني

تتوقعون وش الي صار ؟؟؟؟؟؟؟؟؟؟؟؟

دق اخوي رقمه وطلع الرقم مخزن بجوال اخوي يعني يعرفه

وطلعوا يعرفون بعض …؟!

صحاني ياحيوانه يامدري وش خويي قلوا الرجال .؟؟؟!

قوووووووووووويه وربي اعرف
احس اخوي للحين مغفل قدام خويه

وانا مقهوره منه الحقير قال لاخوي ان هذي خويتي وانا اعرفها ومدري وشو وربي يابنات مره ارتعت ومدري وش الي يبي يصير فيني حتى الدوام ماصرت اداوم وماغير بغرفتي لان اخوي حلف يعلم علي اهلي وانا اللحين مدري وش اسوي والواطي الحقير مصر على انه يعرفني ويأكد لاخوي اني انا وانا احاول اقنع اخوي اني موب انا بس مو راضي يقتنع ومشكله قلت لاخوي وربي لو ابيه ماكان عرفت لي واحد بزر كان حبيت لي واحد من سني تدرون الحقير وش يقوله يقوله والله اني انا واخوي الكبير دايم نكلمها ذي خويتي وهو ماصار له معي بالايميل الا يومين ثلاثه والمشكله ما افكر فيه بس اني رحمته لما يقول وربي جالس ابكي ومدري وش هذي جزاي الله لايسامحه ولا يوفقه الحقير

مشكلته دايم مع اخوي لانه خويه حتى اليوم قابله وهو يبي ياكد له اني انا
بناااات انا ودي اقهره مثل ماقهرني ماتوقعت بزر مثله يقدر يهدد مكانتي وقيمتي عند اهلي مشكلتي انسانه عاقله ومتزنه وحمدلله معروف عني هالشيء لكن والله اني تعاطفت معه لانه بزر بنظري مع ان عمره بالعشرين بس بنظري صغير يعني ما افكر فيه حتى

والله لو فكرت احب احب ما احب لي حتى واحد من سني لاحب لي واحد اكبر مني بعد هذا لو فكرت

انا اقدر اظر اخته لاني اعرف هي وين تدرس بس ماني حقوده
وهي وش ذنبها اني ابي انتقم منه هو الله لايسامحه وان فكر يظرني بشيء الله يشل لسانه قبل الكلام

السالفه يمكن عند بعضكن ماتستاهل بس هو كل يوم يشوش اخوي علي

صرت ما اطيق حتى اخوي وادعي عليه طبعا اخوي صغير من سنه مايقدر يسوي لي شيء عشان كذا هو يهدد يعلم علي اهلي والله لو يعرفون اهلي يبي يطيح البيت ع راسي

انا احاول اقنع اخوي انه مو ايميلي ويقتنع ومن يروح يمه يفر مخه هالواطي 😆

من جد صرت اتحاشا اخوي اكرهه واكره خويه لانه يتفاخر اني على قولته خويته الحقير يقولها لاخوي بكل برود ما قدر الي كان بينا 😉

وش اسوي اللحين ماني عارفه والله اني من عايله معروف بناتها بكل خير مابي اكون انا الفاسده من بينهم لان الولد يعرفنا ومن نفس قبيلتنا

ومشكلته متأكد اني انا فلانه بنت فلان لان اتصال اخوي له اكد له وكنت اقوله الواطي احس اني اعرفك قال واذا الشرف لي

الله لايجعل اكبر الدنيا اكبر همنا ماصار شيء

استغفر الله بس الله يستر علي وعلى بنات المسلمين

اللهم من ارادني بسوء فا اشغله بنفسه ورد كيده في نحره

يااااااااارب يشل لسانه ان فكر يتكلم عني بسوووء ويشغله عني ويصرف تفكيره عني

ادعولي وربي محتاجه احد يواسيني ماحد عارف بالقهر الي انا فيه

ادري غلطت وهذا وربي رادع لي وان شاء الله تكون اول واخر مره 😉

انا ابي الكل يتعض مهما كان لاتصدقي واحد واطي كلامه كله معسول يسوي روحه بريء

الدنيا تغيرت ماعاد فيها احد صادق

الله لايوفق كل من كان بشاكلته ويريد البنات بشر …

حسبي الله عليه حسبي الله عليه حسبي الله عليه