عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيــــــــم
السلام عليكم ورحمه الله وبركاته
كيفكم فراشاااااااااات وكيف الاجازه معكم بكتب لكم قصه حياتي >> اخلصي طيب انا شعري طويل (قولو ما شالله ) بس باهت يجيب المرض ومقصف وهالفتره جاتني قشره ومو ناعم يعني وسط قريت عن زيت هنا للاخت ( بنوته زي العسل) وارتحت له وكل مااطلبه مخلص وان كان فيه ماعندي احد يجيبه جاني احباط بس لايأس مع (احلا جوري )
قبل ماابدا تجربتي احب اشكر (بنوته زي العسل) اسلوبها وتعاملها قمه في الروعه وتجاوب عن كل شي بصدر رحب ويارب توفقها وترزقها من واسع فضلك همه تكسب الناس ما شالله عليها واعذريني على التأخير في عرض تجربتي بس هم اختبارات 💡
الزيت الي استخدمته الي سعره 100 وكان عليه عرض اظن انه المركز
النتاااااااائج 😆 🙄 >>> بدري مابغيتي
شعري طول اصبع ( يعني 6س ونص تقريبا ) وربي يشهد
القشره راحت
صار فيه لمعه تهبل ومع الاستشوار ولا شعر فلبينيه
بس بأمانهـ ما صار ناعم وانا ابيه ينعم بس يا انا يا الزيت هلاجازه امكن لان مااستمريت بشكل يومي >> العجز والله والكسل لاعب دور
اول اسبوع سنااااعه استخدمته كل يوم بعدين انشغلت وصرت حسب المزاج 😈 يومين ثلاث في الاسبوع وطبعا 4 ساعات في اليوم تقريبا كمل شهر ونص
السر الي احس انه ساعد في تطويل شعري ( قبل احط الزيت اخذ السشوار وادفي فروة راسي دقايق واسوي مساج مده دقيقه علشان تنفتح المسامات واستفيد من الزيت واحط الزيت بأبر الدوا واركز على الجذور والاطراف ) والبس طاقيه بلاستيك وبس
خلصت قصه حياتي (تجربتي ) ياليت لو دعوه حلوة لان بجد محتاجه دعاااائكم واي سؤال لايردك الا الكيبورد 😡
