عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته :
أختي عندها مشكلة متعبتها كثير ومشغله تفكيرها هذي الأيام
فحبيت اطرحها عليكم وأتمنى تشاركوني أنا وأختي التفكير
وتتفضلوا علينا بآرائكم ومقترحاتكم ودعواتكم
الله يوفقكم :
أختي تعيش مع زوجها في مدينة غير اللي يعيش فيها أهل زوجها
وزوجها هذي الأيام يفكر ينتقل لمدينة أهله ومقرر يسكن مع أهله
وأختي تقول العيشه مع أهله صعبة جداً هم طيبين ومافيهم شيء يعيبهم
بس سكنهم راح يكون بغرفة صغيرة جداً وهو عنده أخوان وأخوات ماتزوجوا
وبيت أهله ضيوفهم كثير وتقول لما نجي زيارة عند أهله في الإجازات
ماتشوفه نهائي غير لما تصحى الصبح تشوفه نايم لأنه يقول عيب اجلس معك
وأترك أهلي ويعصب عليها لما تجلس بالغرفة تريح يبغاها تجلس مع أهله
طول الوقت هي تحبهم وتحترمهم بس هي متعوده يكون لها بيت مستقل
وتكون على راحتها عكس بيت أهله لازم تكون متغطية طوال الوقت حتى في المطبخ
وهي متأكدة من عدم نجاح حياتهم عند أهله تحلف بالله إنه إذا صاروا عند أهله
يعدها كأنها مو موجودة وتكون له مواقف تسبب إحراج لها مثلاً لما يكون
موديهم زيارة عند ناس لما يجي يأخذهم يدق على أخته وكل اللي حوليها يطالعوها
باستغراب ليه مادق عليها حتى خواته يستغربوا ومره في العيد لما رجع من صلاةالعيد
طبعاً أمه معاه بس هي وخواته في البيت راح وسلم على خواته وطلع مع أخوانه
يسلموا وهي جالسة تنتظره ولما طلعت عند خواته قالوا لها إنه سلم عليهم وطلع
وهي مافكر يهنيها بالعيد
عااااااااااارفه طولت عليكم بس حبيت أذكر لكم مواقف حتى أحطكم بالصورة
هي تدور حل وتحاول تقنع زوجها لو نقلوا إنه يسكنوا وحدهم وماراح تقصر بزيارة أهله
عاااااااااااد الله يخليكم إذا عندكم حلوووووووووووووووول لاتبخلوا فيها
دعواتكم لأختي والله متعذبة مع زوجها عصبي جداً ومايتقبل منها نصائح
أرجوكم لاتنسوها من دعائكم الطيب بأن زوجها يصرف النظر عن النقل
وأن ربي يهديه ويسخره لها
آسفة على الإطالة
بانتظاااااااااااااااااااااااار ردودكم
الله يسعدها دنيا وآخرة اللي ترد :fkjuiyhag :fererhagi
