عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
:ق6:
لكم يشرفني ان انضم لاسرة فراشة الكبيرة ..وبكل ثقة سأكون من افرادها المخلصين بأذن الله
بصراحة ودون ان أطيل عليكم بالمقدمات
أنا متجوزة لي حوالي 10 شهور وماكتب لي ربي ان احمل..وما كنت مستعجلة على الحمل
بس لما كنت اتعالج من الالتهابات المهبلية طلبت مني الدكتورة اسوي سونار عشان تطمن عليا وطلع والحمدلله التبويض عندي كويس ومافيه اي مشاكل
وانا وجوزي ما اتخذنا اي موانع بس كل العرايس اللي في موسمي تقريبا حملوا-الله يتمملهم على خير- وبدات التساؤلات المزعجة من المحب والفضولي ليه ماحملتي؟!!وليه ما حملتي؟؟
وبدات اشك ان لاسمح الله زوجي فيه مشكلة ولا شي..وامي قالتلي خلي زوجك يكشف لايكون مثل فلان اللي اهمل في نفسه وصار عقيم -طبعا امي الله يحفظها قصدها من باب النصح مو زي زن بعض الامهات-
المهم في 10 رمضان ..بعد مشاورات عديدة مع زوجي سوى تحليل السائل المنوي…!!
وللاسف انا لما اتصلت عالمختبر قاللي الدكتور انه مافيه ولا حيوان…ولا حيوااااااااااااااااااان منوي واحد!!:074::074::074:
طبعا صدمت صدمة عنيفــــــــــــــــــــــــــــــــــــــة..وانهر ت للغاية وصرت ماني عارفة احزن على نفسي ولا احزن على زوجي المسكين اللي اكيد حيسببله الخبر صدمة واحراج
ومابغيت اقوله…وصرت ابكي وافكر بوشوشة وحيرة -الله لا يوري مسلم ما اصابني ذالك اليوم-
وما ادري من فين جاتني فكرة اني اكلم عيادات الدكتور سمير عباس لاطفال الانابيب
وفعلا جبت رقمهم من الاستعلامات ودقيت عليهم وقلت للسنترال حوليني على اي دكتور عقم-وصوووووووووتي معدوم بكى-
وحولتني على دكتور مصري-اااااااااااااااااااااااااااااااالله يسعده ويفرج كربه زي ما ريحني-
وقاعدة اكلمه وانا ابكي وبطريقة هسترية وطمني وقلي انه في امل يتعالج وفي كثير زي كذا يا تكون القناة مسدودة يا بيتعالج وتنتج الخصية ونصحني بكذا دكتور نروح لهم ويراجعهم زوجي
وكاااااااااااااااااااااانت اللحظة اللي بلغت فيها زوجي الخبر…..طبعا لحظات مؤثرة ولكم ان تتخيلوا صعوبة الموقف-عذراً اخواتي ساحتفظ بالموقف الصعب لنفسي لعدم قدرة على سردته لصعوبته على نفسي-:041:
ومن رمضااااااااااااااااان للان مكانك سر!!.. لا زوجي راجع ولا ظروف سفرنا سمحت لنا
والأن يأتـــــــــــــــــــــــــــــــــــــــــــــــ ــــــــــــــــــــــــــــــــــــي تساؤلي:
ايش اسوي؟؟؟؟؟؟؟؟؟؟؟؟؟؟؟؟؟؟؟؟؟؟
مين افضل دكاترة وافضل عيادات
والاسعار كيف..وفي حال كانت الاسعار مبالغ فيها ..ماذا عن مستشفيات الحكومة
وايش جديد الاعشاب
ايش اخر قصص التشجيع والتفاؤل
وياليت اي وحدة تعرف منكم احد كان زوجها مثل حال زوجي وربنا اكرمه:062:
للاسف زوجي مامعاه ضعف ولا قلة حركة وعدد……عنده غياب تااااااااااااااااام للحيوانات المنوية في السائل المنوي
وهل حسب خبرتكم…تحليل واحد يكفي..وهل هذا التحليل يأثر عليه وقت او ظروف معينة وبالتالي تكون نتيجته غير اكيدة؟؟
الحمـــــــــــــــــــــــــــدلله اللذي لايحمد على مكــــــــــــــــــــــــــــــــــــــــــــروه سواه
رغم كل هذا…اكتشفت في نفس رمضان انه في كيس عالمبيض اليمين عن طريق الصدفة..وراجعت دكتور وقال حجمه صغير ( 4 سم) وبعد شهرين تعالي راجعيني لو ظل زي ماهو او كبر نعالجعه او ممكن يروح لوحده
وما اعطاني ولا شي لا ادوية ولا حاجة…والحمدلله اعراض التكيس مو ظاهرة عليا من خربطة في الدورة والخ!!
ودايم دورتي 28 يوم….بس في شهر شوال اتخرت دورتي 4 ايام لاول مرة
وبصرااااااااااااااااحة فرحت وعبالي ربي استجاب لدعواتي برمضان وحملت
بس لما اشتريت التحليل المنزلي طلع سلبي..واليوم الثاني شرفت الدورة..:042:
هل لخبطت الدورة معناتها ان التكيس بدأ يشتغل؟؟!! ولا زي ما تقول امي معناه ان الرحم يدور حمل؟؟:0144:
عالعموم انا رايحة للدكتور الان وباذن الله لما ارجع منه حشيك عالموضوع واشوف تواصلكم الطيب اللي متوقعته ومنتظرته بشوووووووووق
أسفة عالأطالة
ولا تبخلوا على اختكم الجديدة بأدنى نصح او ارشاد
ودمتم بحفظ الله ورزقني واياكم الذرية الصالحة وبارك لكن بما رزقكن من فضله
