عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
مشكلة قد تكون بسيطه لكن لها أثر كبير على نفسي يعني بصراحه ومن غير مقدمات
انا زوجي كااااااااااااابتني في البيت لا خرجه لا طلعه الجو حلو مو حلو كله واحد طبعا انا مالي فترة في الزواج تفاجئت من هذه الصفه في زوجي وبما اني غير موظفه وهذي اول سنه اجلس في البيت بعد من انتهيت من دراستي فكان جلوسي في البيت بمثابة سجن احس اني محرومه من الحياة ومن شوفت الناس وكمان مايبغ يوديني عند أحد غير اهلي بس وكثييييييييييير صارت مشاكل بينا علشان موضوع (ابغ اخرج اتفسح ابغ اعيش حياتي ليش هذا الكبت ولي يزيدني قهر انه مو مقصر على نفسه اش طلعات مع الشباب اش سفريات ووووو
مع اصحابي ومن وجهة نظر زوجي انه مالي حق في الترويح عن النفس إلى يوم واحد كل شهرين!!!!!!!!!!؟
طبعا انا استفيد من وقتي لكن الانسان يمل يبغ يغير جو البيت وانا ماامدح نفسي بصراحه مالي مقصره معاه حتى حركات البطاقات والشموع والكلام الحلو اعطيه بلا حدود طبعا تأثر في نفسه وينبسط مني لكن مسألة الطلعات
ماغيرت فيه شيئ وأنا من النوع الاجتماعي واحب التنزه فكانت الصدمه قويه لاني تعبت نفسيا وكمان صار عندي نوع من الكبت من كثر ما اغض الطرف عن خرجاااااااته الكثيره وعدم المبااااله فيني وصاااااار عندي تراكماااااات كثيره نشوف ونسكت نسكت نسكت خلاص انفرجت زي القنبله الذريه وانشطرت نفسي قسمين فخرجت منه قوه هائله وضربت زوجي وكمااان سبيته طبعا هو كان مبتسم شوفوا عاد نوع الابسامه في مثل هذي الحاله !!!! طبعا انا طلبت منه خرجه فكان الجواب كالعاده بكره وبعدين شوفي متى يجي بكره !!! فصار الي صار طبعا انا كنت في حاله غضب وخرج الشيئ المكبوت وما تصدقون لو قلتلكم كيف اليوم الي قبله كيف كنا زي السمن على العسل وكمان لي يومين ادلعه علشان مايرفض طلبي فكانت الصدمه قويه بالحييييييل وحطوا في بالكم ان زوجي راسه ناشف وياخوفي يكون العرق دساس ومن شابه اباه فما ظلم
كيف الحل مع مثل هذا الزوج اعطوني خطه مكيده حلوه اقدر اوصل فيها لمبتغاي
