ضربتين بالراس توجع..فزعتكم.!!

اتمنى للجميع الصحة والعافية واشكر كل من دخل الموضوع بنية الفزعة او غيرها

وادري ماتقصرون يافراشات

بدخل بالموضوع مبااااشرة

انا حملت بعد 8شهور من زواجي

والحمدلله قمت بالسلامة وجبت ولد

وكنت طووووول فترة نفاسي تعبااانة
كان عندي التهاااب حاد في المرارة

ولازم عملية بس بعد الاربعين

كنت اتابع بمستشفى حكومي ومن موعد لموعد
طلعت الاربعين ومنعوني من اخذ اي مانع حمل لانة ممكن يزيد التهاب المرارة

ورجعت لزوجي وسوينا عزل لكن بقدرة قادر
حمـــلــــــــت وكان عمر ولدي شهر ونص

وباقي على موعد عملية المرارة شهر

والحمدلله سويتها وانا حامل لانه كانت حالة طارئة

وربي وحدة كان اعلم بحالي
المهم انا الحين ولدت وخلصت اربعين يوم
بس خايفة ارجع لزوجي عشان الحمل
لان ضربتين بالراس توجع ادري انهم نعمة من ربي وانا شاكرة وصابرة وودي اعطي كل شيء حقة
انا عندي دراسة وعايشة بغربة وماعندي شغالة
يعني حالتي صعبة ولدي البكر لسه مايمشي
لازم اشيلة والصغير يبي رعاية اكثر وزوجي له حق وانا تعبت بس من التفكير

رحت للدكتورة ووصفت لي حبوب منع حمل اسمها

جراسيال الخضراء

بس قالت لي خوذي 21حبة ووقفي اسبوع

وبعدين ابدأي من جديد بنفس اليوم اللي تركتي الحبوب فيه

يعني اوقفها السبت وارجع لها السبت الجاي

ويوم شريت الحبوب طلع فيها 22حبة ماادري اكمل 22 او اخذ بس21اخاف ماتعطي مفعول

انا سويت تحليل وقالت لي عندك انزيمات الكبد مرتفه شوي والكسترول فيه ارتفاع بعد

وكتبت لي جراسيال

بس متى تجيني الدورة وعادي اوقف الحبوب ومانزلت الدورة او ارجع لها والدورة علي

تكووون ساعدوني كل ماسألت احد قال مااعرف هالحبوب
وانا اول مرة استخدمها وبصراحة مرررررررة خايف احمل من جديد لانه عندي مشاااكل مع الحمل

وبالولادة شفت الموت بمعني الكملة وربي جلست اتشهد ماتوقعت اعيش بعد اللي شفته

بس ربي رحيم والحمد لله على كل حال

برجع لزوجي الاسبوع الجاي وانا اكلت 6حبات للان

الله يفرج هم كل وحدة ترد علي ويرزقها اللي تتمناه