ضحيت عشانها شوفو ايش تسوي فيني..!

السلام عليكم
بصراحه كتبت الموضوع من قبل وقبل لاارسله
اقفلت الصفحه تراجعت لان مابي ردود تنكد علي
اعرف انكم طيبات بس في كم بنات يدخلو بالعرض ومو فاهمين ايش السالفه
اولا لاتعتقدو اني من البنات الي ميتات عالزواج انا وحده كنت رافضه فكرة الزواج بشكل عام!

كنت انخطب بالسابق وكل مره انخطب اما امي تسحب على الناس او تسوي مشاكل
واحيانا تصر علي وليش ترفضي لدرجه شكت بشرفي وبعد المحاضرات
شفت ان مافي مفر للبنت العربيه الا الزواج اما بيت زوجها ولا بالمستقبل خادمة عند حريم اخوانها!
الي يطردوها من الحين !!! لو اجانب ممكن اعيش لوحدي وبس
لكني حزنت عشان اختي وصار سبب من اسباب رفضي اختي اكبر مني وماتزوجت
كانت تدرس برا وتصر علي انها تشتري لي جهاز عندهم سعره ارخص قبل لاانخطب
ولما وافقت تخيلو ايش قالت مابي خلي زوجك يشتريه لك! رغم اني بحول لها السعر
وحتى بعد مارفضته رفضت تشتريه لي!!!رغم انها كانت بنفسها تصر علي اشتريه!
وكل ماحد خطبني مثلا من صديقاتي اكلمهم عن اختي يدورو لها عريس واقول انا مابي
بالنهايه انخطبت وفرحنا فيها تعبت مره بملكتها وعاملوني كخادمه صديقاتهااا واختي الثانيه
بالنهايه يحصلو هم على الشكر وانا ولا شئ الا انكرو كل الي سويته رغم اني حصلتلي احرجات من الضيوف عشانها وكل شئ انكروه قلت احتسب اجري عند الله ونعم بالله مايضيع اجر احد
اختي الي اصغر مني انخطبت وعلى طول اهلي وافقو بدون تعقيد ولا مشاااكل
مثل مايصير لما انا انخطب!! وماقالو والله اختها اكبر منها ولاشئ!
عادي انا قلت لهم اقنعوها توافق لان الرجال والنعم ويدرس طب بس ماتوقعت بيجي منها شئ!
وفعلا وافقت والزواج بعد مايتخرج والملكه بعدين
الحين ايش صارو الثنتين يتمسخرو علي خصوصا الي اصغر مني وتجيب قصص
عن فلانه تزوجت قبل اختها وكيف تتزوج قبلها وهي الكبيره وو وفلانه انخطبت من ناس كذبو عليها
ويتريقو علي رغم اني وقسم مافكر بالزواج بس تعبت تجريح منهم
انخطبت من 2 نفس الوقت بالبدايه كنت رافضه امي رفضت 1 عشان راتبه قليل
والثاني ازعجتني محاضرات فقلت خلاص خليهم يجو يشوفوني وبعدين افكر لان
ام الولد ماشافتني ..صار تعسير بالموضوع لما شافتني بديت اسكت واوافق
قسم بكل مره استخير ارتاح راحه مو طبيعيه اول مره انخطب وارتاح كذا !عند الاستخاره!
بالبدايه يدقو على امي وتطنش وماترد بعدين تدخلت اختي مو راضيه لاهلي يسالون
ماسال ابوي الا 2 وبعدين تدخلت ماتبيهم يجون تبي تروح السوق يوميا!!
بالنهايه انا قلت ان ماجاو برسل لهم مسج واقول رفضنا جالسه معلقه لاشافوني ولاشئ وعايشه بقلق
يمكن يرفضوني وينتهي الموضوع وامي قالت خلاص بكيفك مره انصدمت يفضلو السوق على خطبة بنتهم! وباقي فتره على زواجها وكل شئ اششترته روحتها للسوق مو ضروريه تقدر تاجل يوم
بعدها ابوي اقنع امي وجاو وقت متاخر الساعه 10 كذا
وكانت اختي الصغيره تتمسخر وتقول مستحيل يوافقو عليك نعرف بنات من نفس عيلتهم بالمدرسه
لونهم ابيض مره ماراح يوافقو عليك وانا لوني حنطي فااااتح
وسبحان الله وافقو علي وانصدمت ..بس الولد ماجا لانه بالدوام ودوامه بمنطقه ثانيه
الام قالت بس يجي يجي يشوفها ابوي قال لازم يجلس معه اختي رفضت
الام تدق بعد مارجع ولدها امي تطنشش قلت ابي صوره اختي رفضت
وشوي تقول كيف بتسوو لها خطوبه بعدين كيف بتسوولي صباحيه 2 يوم من زواجي
وانا خسرتكم بخطوببتي بتخسرو ثاني فيهاا
قمدحوه بالمره اخلالااااقه ودينه بالنهايه صارو كل شوي يكبرونه
بالبدايه على انه اكبر مني ب8 سنوات ووافقت بعدين 10 وبالنهايه 14 سنه!
امي بنفسها رفضت قالت كبير مره معنى هي الي كانت تقنعني ان الكبير افضل!
وانا قلت صعبه 14 سنه فعلا واختي جلست تعلق كيف ماتزوج لهالسن اكيد صاحب سفريات وحريم والعياذ بالله قذفت بالرجال!وهو اشرف من وجهها
وشوي ويقولو انه دب مره مره وقزم وانا مره نحيفه فقالو اهلي لا ابدا ماينفع
ورفضوه!
طبعا بعدها اختي تالف قصص عن ناس انخطبت وكذبو عليهم تقصد انهم كذبو علي لما سالتهم عن الشكل والعمر وتتريق علي وعرسي وعرسي وهي زواجها مو الحين بعد سنوات هذه الصغيره
والكبيره نفس الشي انا العروس وانا العروس لدرجه جيت بفصل فستان لزواجها
كل مافتحت على تصميم سحبته مني لدرجه المصمم نفسه عصب وهي مفصله ومخلصه
تقول انا المهمه وانا العروس انتي محد بيشوفك ووجودك وعدمك واحد!
الصدمه من كم يوم ركبت الوتس اب الا وتكلمني وحده كانت معي بالكليه زمان حاذفه رقمها بس هي لا وتقولي الي خخطبك اخو زوجي ليش رفضتيه رجال والنعم وربي مايتفوت وقلت لها الاسباب
قالت لا عمره يعني اكبر مني ب8 سنوات زي ماقالو !! ماكذبوو مو 14 سنه زي ماكذبو اهلي!
ومو دب جسمه عادي زي اي رجال وطوله وسط مو قصير !
رحت تجرات وقلت لاهلي قالو مانبيه وبس ومانصدمو ولاشئ واضح الكذبه منهم!!
هم قالو سالنا وقالو واصلا كان الوقت ذاك اليوم متاخر مامداهم يسالو
وابوي جلس يتمسخر علي تبين نرجعهم! قلت لا قال واخوه الي قايل انه دب واصلا ماقالو انه سمين الا بعدهااا بفتره لو اخوه الي قايل كان قالو نفس اليوم ومستحيل الاخ بيجي يخطب بيقول والله اخوي سمين!
المهم بتقولو نصيب اعرف نصيب !
بس ياما اهل وقفو قدام بناتهم وضيعو نصيبهم اعرف بنات وصلو لل40 وماتزوجو
واهلي ينتقدو اهلهم وكلا منهم والحين اهلي صارو زيهم
انا خايفه ربي يعاقبني بعدين يجي واحد مو كويس واضطر اوافق عليه مو كل يوم يجي واحد كويس
وربي كلمتني وحده تقول بخطبك لولد خالتي ورفضت يكفي ياكثر ماتفشلت قدام الناس ومابي اعيش فلم رعب ثاني
اهلي يصرون علي بالبدايه اوافق واوافق وبعد 3 اسابيع كذا فجاءه بيوم يالفو كلام ويرفضو قبل الشوفه الشرعيه! واحيانا يسحبو عليهم من البدايه بدون حتى مايعرفو المواصفات او يسالو
بس يعيشوني بفلم رعب ويقولولي ماقدر انام ولا اكل تعرفو غصبا عني اقلق حتى لو مافكرت !
بالنهايه الموضوع يتبطل بالكامل ويتكلمو معي اهلي انه خلاص اكيد بيكون نصيب وهو زوجك وو وبالنهايه فجاءه يحصل رفض وكلام كذبب !ومو اول مره تحصل كثيرر
انا مدري ايش يبغو ان رفضت اجبروني اوافق وان وافقت رفضو!
في موضوع شاكه انه السبب
سنه من السنوات خطبني ولد خالتي كل ماستخرت اتضايق بقوه واكرهه بقوه
وكانت في اسباب ثانيه فيه شخصيااا وفيني انااا …تمنع الموضوع فرفضت
وكرررو الخطبه لمدة سنه مو رغبة فيني بس لانه هادي وضعيف شخصيه وشافوني هاديه
خافو يزوجو ولدهم وحده تتحكم فيه وكنت ارفض ومشاكل وحاله ويبغو يزوجوني بالغصب
وكنت رافضه تماما وكل ماستخرت رفضت اكثرر وتزوج وحده فرقت بينه وبين اهله
والحين يحطو اللوم علي كلا منك لو وافقتي صار خاتم بيدك بدل لبنت الناس
وحتى خالتي تقول ليتك متزوجه ولدي رغم انه متزوج من 3 سنوات!
وهم مو مقفلين الموضوع يبوني اندم بالقوه وانا رافضه تماما بديت اشك ان اهلي
متاملين فيه انه يتطلق ويرجعلي مثلا !ولو يتطلق مستحيلللل اخذه لاني واثقه من قراري وماتراجعت عنه ابدا
انسى الموضوع ونكدت خواتي واعيش حياتي اهم شئ الحريه
انا تو متخرجه من الجامعه وجالسه وحيده لاصديقات
واهل علاقه زي الزفت خواتي متكبرات ومايكلموني اقاربي زفت
ولما نسافر اخواتي يتركوني بمواقف السيارات وينزلو مولات بالساعات وانا انتظر بالظلام!
ولو تكلمت قالو انتي عاصيه وقليلة ادب وو او طنشوني وماكني اتكلم
قلت لازم ادخل دورات املي وقت الفراغ بس انتظر الوثيقه تطلع ماينفع اردرس وهي لسه ماطلعت
اقاربنا عندهم واسطه وطلعوها لبناتهم من اول شهر لمحت جنبهم تكلمت جنبهم ولاحد اهتم فيني!
قلت اشغل نفسي بالنت واحاول اتعلم الطبخ ماعرف يمكن الا 3 طبخات واهلي خلوني يوميا العشا علي !يخرجو طول اليوم وانتي اطبخي وامي بس تهزاني انتي خسرتينا وابوك بينسجن من الديون وحاله
وانا ماشتري شئ ولااخرج اسواق بس فصلت فستان لزواج اختي! وخواتي الي بس يشترو ماركات وحاله وتدفع امي لخالتي اجار الشقه !من الفيزا يعني سلف!
ورفضو خطبتي اضن عشان موضوع حفل الخطبه رغم اني مافكر ابدا اسوي حفل خطوبه
ليش من بيجي؟ناس حاقده علي وكارهتني حتى لما اجي بسلم عليهم وربي اترجاهم يمدو يدهم!
كل الناس الي اعرفهم زفت وانا ماستمتع بكذا مناسبات فمافكر حتى اسوي !
واخواتي اكثر ناس زفت علي ولما انخطبو زادوو
تتحسن نفسيتي بس من اجلس معهم اتعب احاول ماتحسس بس يبالغون
كلامهم ماتتصورونه مابي اغثكم فيه ومستحيل يكلموني يتكلمو مع بعض عني كذا
او عن شخص والكلام موجه لي
خواتي ماينخطبو الا نادر وانا كنت انخطب كثير وتيستر امورهم وانا لا
كانو يقولولي اني اجمل خواتك
الحين الناس لما تشوفني تمسك امي تسالها بنتك مريضه ايش فيها!نحفت مررره
وطلعت بوجهي زي التجاعيد وحتى الابتسامه وقسم ماقدر ابتسمهاا ولا اجامل فيها
طبعا مو لهالموضوع الاكتئاب لمواضيع ثانيه

انا طفشت وقسم مادري وش يبغو اهلي وايش تبي اختي
على فكره اخوي كان بيخطب واهلي موافقين راحت اختي قلبتهم عليه وخلتهم يرفضون!

انا نفسي اسكت اخواتي بس ماعرف كيف انا بس اسكت وماقول شئ!
اخاف تصير بينا مشاكل اكثر من كذا وتفرقنا بشكل تام!
عالاقل الحين لو شئ ضروري كلموني بصراخ واشمئزاز كخادمه وبطرف عين!
وربي معاملتهم مع شغالتنا احسن!
وعارفه انهم سبب قطع نصيبي بكل مره يجي تجلس اختي تتكلم مع امي وتلف راسها
انا عادي اجلس ماتزوج بس اهلي مو مخليني واخاف يجيلي نصيب مو كويس
بعد ماعنس ويغصبوني عليه
مو عارفه كيف اختم الموضوع
سسوري طولت عليكم