ضاقت الدنيا ولا عندي كلام <<بتنتحر الا شوي

ضاقت الدنيا و لا عندي كلام …
…. يا هي صعبه .. ضيقة الشخص الكتوم

سلام عليكم فروشاتي الطخماات المليحات 😡
والله احبكم في الله ودايم ادعيلكم من كل قلبي
ان همومكم وغمومكم كلها تتفرج وماينكتب بهالمنتدى الا الافراح

مثل ماهو مبين بالعنوان والمدخل ضاقت بي الدنيا
تعبت من الهم والحزن مليت من كثر الشكوى ومليت من الكببببببببببببت
لو الانتحار حلال اول من يفكر فيه اعرفوا انه تعب كل هالحياة هي الي بتنتحر
الله يرحمنا برحمته ويعفوا عنا ويرزقنا الصبر
بقولكم شي حاااااااار تسبدي حررره 😛
ماانوم من كثر ماافكر في هالشي
والله ابوي يبغى يموتنا يبغى يصيبنا بالجنون 😳
يبغى يحسربنا بعيشتنا والله بعض المرات اقوله ليش متزوج وجايب عيال اذا انت مو متحمل مسؤليتهم
تخيلوا بنات مايبغى يصرف علينا ولا يزوجنا ولا يسفرناولا نطلع ولا نروح ولا شي ماغير معسكرين في هالبيت الخايس
ولا يبغى يرمم هالبيت الي تقولون مخزن مهوب بيت 😉
مافي شي صاحي ببيتنا وقسم كل غرفه تدخلينها تقولين ساكنين بمزبله
والله يجيب لنا قرابع مدري من وين واي شي يخرب عندنا ممنوع نرميه
حتى الي يرمونه الناس ياخذه يقول مهوب صاحين ذولا زين وناطلينه 😐 <<طيب حنا وش دخلنا بالناس
وقسم انقرفت من عيشتي تعبنا وحنا نقوله مانبي فضله الناس
هم يرمون وحنا ناخذ لييييييييييييه هالاهانه!!!!!!!!!!!
ويجمعها عندنا وهالحين غرفتنا نبغى نغيرها ورافض مررره فكره اننا نشتري شي جديد يقول والي شريتها وراكم ماتبغونها اشتريها بقروش وتنطلونها !!!!!!!!
وقسم بيجيني الهبال و بصيح من كلامه يقول توني شاريها وهي من 18 سنه عندنا وغير البويه الي يقول زينه وهي منقلبه من الزين الطاغي
تعبت اقوله العين تحب تشوف الزييييييييييييييين بس مايسمع
اذن من طين واذن من عجين
وقسم بالله لايعه كبدي من كل شي بالبيت
كارهه عمري كله نفسي افتح باب غرفه واشوف شي حلو
وقسم بالله مااكذب عليكم كل غرفه فيها خرابيط خشب واكياس وعزب حقت البر
وزوالي وبراميل ومدري ايش والله تقولين داخله في شقه عزابيه والا هنود 😎
كل غرفه تخيلوا مافي ولا غرفه تشرح الصدر ونسيت اقول بعد حتى المجالس نتفشل اذا احد جاء عندنا تسسسسسسسسسود وجيهنا 👿
وحتى اذا بغيت اقرى كتاب او شي وابغى مكان اهيئ لنفسي جو حلو وهادي
مالقى !!!!!!!
ادور مكان اقدر اجلس فيه مافي والله العظيم مافي مكان مرتب
وابوي بالمره رافض فكره اننا نغير البيت او نصلحه ومن كنا صغار وهو يخلينا نعيش باوهام واحلام زائفه
وكل سنه نكبر فيها نقول الفرج بيجي الفرج ياتعب جاي
لكن نكبر ويكبر همنا معنا وتزيد المعاناة اكثر واكثر
ماعمره وعدنا ونفذ وعده
قسم بالله اتمنى اني منيب بنته ولا اعيش هالعيشه
كل واحد مننا عايش بجهه انا منعزله عن الكل كارهه الكل
حتى الاكل كارهته ومالي نفس ووزني في نقص
وكل من شافني قالي وش فيك نحفتي تغيرتي
للمعلوميه مو انا لحالي كل العائله منقرضه طبعا من النفسيه الزفت مانشتهي 😛
وطلعت لي هالات سوداء من كثر السهر والارق والتفكير
خلاص كرهت عيشتي حتى ضعف ايماني مو مثل اول كنت صبوره
الحين حتى بصلاتي اهوجس وافكر بالي حنا فيه ووشلون اغير ابوي وطبعه
وبخله الي ذبحنا فيه ➡
ويقول انه مسيكين ماعنده شي طفران وهو عنده بالرصيد كومه فلوووووووووووس قد شفت رصيده مليون وزياده
ماشاء الله بس مدري لييه يسوي فينا كذا لييه يشوف عياله محرومين من النعم هالي عنده ولا يعطيهم والي يذبحني اكثر يعطي الناس ويصير كريم معهم وحنا لالا باخل علينا
ودايم يقول لنا ماتستاهلون !!!!!!!:( 😳
عيالك مايستاهلون تصلح لهم البيت وتعيشهم عيشهم محترمه علشان الكل يحترمهم
والله ان فيه بنات كانوا يحسبوني بنت عز وبيتنا شي بس يوم شافوه بس من برى قالوا ماتوقعناك عايشه ببيت كذا !!!!!!!!

وكم مرره نصحته وعلمته بس مستحيييييييييل ياخذ بكلامي
لو ان كلامي صح في نظره اكبر غلط وحتى اخواني كرههم فينا وصاروا مايلبون لنا طلباتنا
ويهزئونا ويقللون من قيمتنا
وقسم بالله لو تفتحون كبدي وتشوفونها منقلبه من كثر الحررررررررره الي فيني
من ابوي واخواني الي انقلبوا علينا قلبه قشرى
ياااااااااااااااااااارب ان كان هالشي سببه ذنوبنا ياااارب اغفره لنا وتب علينا
وابدل حالنا من التعاسه والحزن وخيبه الامل الى سعاده وبهجه وفرحه بالامل
يااااااااااااااااارب العالمين 😈
تكفوون الي ماعندها رد تدعي ان ربي يسخر ابوي لنا ويهديه ويجعله عبد صالح والله يرزقه بحسن الخاتمه والكل يذكره بالخير مو بالشر
والله يصبر امي على هالمصايب الي تنكب عليها كب ربي يفرح قلبها بشوفه ذريتي وذريت كل اخواني وخواتي يااااااااااااااااارب
ياااااااااااااااااااااااااااااااااااارب العالمين

مخرج :

و لا تضيم الحي ّ .. و حيــّـك ما يضام
…. و ان خذوا لك حق.. لا تشكي و تلوم