عالم البنات النسائي كل ما يخص المرأة العربية من ازياء وجمال والحياة الزوجية والمطبخ
في البدايه ..
احنا ياهل الكويت اغلبنا من حضر وبدو نحب البر والبحر ومالنا غنا عنهم
ولابد في كل صيف اغلب العوائل الكويتيه تروح تاخذلها شاليهات تأجرها
أو ملكها الخاص تصيف فيه وحنا صيفنا أغلب السنه هههه اللي يسافر ويتبرد ويرجع مرده بالحر والصيف الطويل ….
اما بالشتاء 95% من الشعب الكويتي يروح للبر اللي قريب عند بيته او قريب عند شاليه وشوفو الوناسه
من ميزات برنا كلنا قراب عند بعض يعني اغلب المخيمات بينها وبين المخيم اللي يمها اقل من نص كيلو
وفي اللي بالامتار طبعاً
اما مخيمنا قريب من شاليهنا بالسياره 6 دقائق اذا كنت دايسه طبعاً هههه
وحبيت اعيشكم جو مخيمنا بما ان في اخر الشتاء حبيت ابيلكم مخيمنا قبل مانشيله
لان في قانون عندنا بالكويت حدك اقل من 4 شهور وتشيل المخيم ممنوع نطول بالتخييم
شوفو الصور عشوائيه تعبانه عليها من جم يوم وانا اسويها (كسوله)
كلها من نقالي وانشاء اله تعجبكم واتمنى انها واضحه.
مابي دخول بدون ردود شجعوني
اختكم القرقه بنت الكويت .
يالله نبدأ هذا طبعاً بالليل…
أول شي ملعبنا ..كورة الطائره ..والقدم…والسله…
بوسط المخيم زارعين جميع انواع الورد الراقي والحلووو
هذي قعدتين مغربيه بكل معداتها تلفزيون ال سي دي وكل اللي يطري ببالكم حتى البلي ستيشن 3 يبتها معاي للي يزورونا علشان يستانسون وانا استانس بتواجدهم
يبين معاكم غرفتين كيربي الوالده مسويتها ماتحب تنام بالخيام داخلها غرفة نوم الوالده سوبر ديلوكس هههه
وغرفة طعام للضيوف
الملعب ….
يتبع………..
