عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
شلونكم…. شأخباركم!!
حبيت أروح لمطعم مصري ….( أختكم نصها مصري…. و تحب الاكل المصري) قلت اجربه وأشوف….توني من شوي جيت منه..
و الحمد لله الاكل يجنن…حلو حيل…
المكان حلو ونظيف…الخدمه زينه…مو بطيئه…
الاسعار جيده….
ابو شقره جنبنا بالفروانيه .. عند سوق الحمرا مول والعربيد بلازا ومترو
نسيت أقولكم… أول ما دخلنا لقيت واحد يعزف على اله مدري شسمها أغاني ام كلثوم…للاسف صورته لكن الصوره مو واضحه..لاني اصورها بسرعه مابي احد يشوفني..قلت وانا طالعه اصوره,,,لما طلعت لقيته راح
قلت خلاص المره الجايه
مــــــــــــــلاحظه:
اسفه على الصور اللي مو واضحه…لان المكان كان مزدحم شوي وما حبيت ان احد يشوفني
أخليكم مع الصور:
عجبني بالاصنسير رسومات فرعونيه: صورتها لكم :
رسم كاريكاتيري عن المطعم: موجود على الطاولات:
الأداة اللي ننادي على الجرسون فيها:جرس 
المنيو:
طلبنا:
عصير منجا و عصير فراوله …. حركااااااااااااااات:
حمص:
مسقعه: هذي غرااااااااااامي .. بأي مطعم مصري لازم أطلبها… بس هالمره مسقعه باللحمه المفرومه:
حمام محشي عيش: لي : الصراحه.. ما عجبتني الحشوه… كلها دارسين :
كفته و كباب و ريش :
طرب : هذي غرام زوجي… حب الاكله هذي من سفرتنا لمرسى مطروح… صار يروح المطاعم المصريه عشانها هههههههه
مو مكتوبه بالمنيو … بس هو سأل الجرسون قاله اشوف لك … راح وجا … قال ايه عندنا طرب
هني زوجي طااااااااار من الوناسه…
طلع طعمها يجنن
قلت للجرسون: ليش مو كاتبينه بالقائمه؟
قال: يا مدام لانه مو متوفر بأي وقت… لان الطرب عباره عن الحجاب الحاجز للخروف… و الخروف الواحد فيه بس حجاب حاجز واحد… دخلنا بالاحياء :
صورة طرب:
و أخيا أحب أشكر كل اللي تابعو موضوعي وردوا عليه .. يعطيكم العافيه
