عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هااااااااااااااااااااي يااحلى بنات بالكون كله تجمعوا عندي لكم موضوع يهببببببل
تعرفون ايام زمان كنا نموت بالتصوير وهذي ماهي المشكله المشكله ليش كنا نتصور بهذي الاشكال
الكشخه منفوشه واللبس حدث ولاحرج وحتى صورنا المرتبه تحفه
اخوي الله يهديه كان معاه بلا على التصوير مغر يمشي ويصور حتى جدتي ماسلمت من شره
وفي كل مكان حتى بالحاره وحنا الحين نبغى نتكلم عن صورنا القديمه المضحكه وحركات البلاهه
الي كنا نسويها ونشوف تراها كانت مشهوره والعالم كله طايح فيها
يعني مثلا حنا عندنا عدد كبير من الصور وللعايله الكريمه كلها رح ابد
انا لي صوره في مزرعتنا القديمه ولابسه فستان كله عنب (شكل امي كانت جوعانه وهي شاريته )
بس يعني من اجمل الفساتين القديمه الي قابلتها المشكله الشعر الفرقه من فوق الاذن يعنك
على جنب والشعر لو اعصره عبالي جالون زيت والله انه ينطف زيت رايحه تقل هنديه ولا يفوتكم
جالسه وماسكه الشجره من تحت مدري خايفه تطير الشجره او يعني اقول لاخوي انته لازم تلقط
الشجره ماتدري انها نادره 😆
ولي صوره ثانيه في الطايف لابسه شي والله مدري وش يطلع في النهايه هو فستان ولاروب ولا وشو
وقصير لين الركبه ولونه كحلي واحمر وفيه دبدوب بالنص وشعري مضفر هذي مافيها كلام لان امي كانت
ماتفتحه لنا الا بعد جهد جهيد وحاطه يدي على راسي مدري من وين جايبه هذي الحركه وبغيت اموت على
الصوره حتى مره وانا بثالث ابتدائي اخذتها للمدرسه والمشكله اني موريتها الابله الي يشوفني يقول متصوره عند شلالات نياقرا او سور الصين العظيم الظاهر الابله كانت زاريه عليه بس جاملتني وقالت حلوه 
الصور الثالثه تحفه فنيه نادره فستان قمه في الدفاشه والقبح تفاحي وفيه ورده بالنص والكم حكايه
لوحده والضحكه شاقتني 😉 تدرون ليش ركزوا رح تعرفون الشعر مفتوح ولابسه تاج من عند ابو ريالين
وحاطه يدي على وسطي يعني اليوم توب لاتتكلم ترى الستايل متعوب عليه 😉
واللحين جاء دوركم بنات انا داريه انه بتطلع فضايح بس يلاه الحال من بعضه
قولوي على صوركم واشكالكم خلونا نتونس انتظر ردودكم بفارغ الصبر
