عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اخواتي هذا اول موضوع لي هنا با المنتدى الروعه هذا وابي منكم خدمه .انا حامل الحين توني داخله التاسع واول مره في حياتي اخذ صوره للبيبي اللي هي الاشعه الرباعيه اللي با الالوان طلبوها مني مستشفى الملك فيصل التخصصي با الرياض علما ان هذا نظامهم الحين اي وحده في السابع او الثامن ياخذون لها الاشعه هذي من بداية حملي وانا اخذ اشعه صوتيه عاديه ودايم يقواون لي كل شي طبيعي والبيبي تمام لحد هنا كويس. بس المشكله يوم اخذو لي الاشعه الرباعيه اللي با الاوان ووروني وجه البيبي كامل سبحان الله طالع واضح وانا انهبلت وجهه كان غريب جدا كانه مورم متنفخ مره ووجهه يخوف انا انفجعت !!!!!! قلت للممرضه ايش هذا قالت هذا بيبي انتي قلت لها عارفه بس ليش كذا وجه بيبي طبيعي او لا؟قالت مدام كل شي طبيعي مافي شي قلت طيب ليش كذا خشم كبير مره ووشفايف كبير مره ؟قالت مدام كلو بيبي جوا بطن ماما كذا شكل بعدين يطلع برا بطن يجي كويس ……هي قالت كذا بس انا ماني مرتاحه اعطتني صوره لوجه البيبي كل ماشفتها انهبلت والله اني من بعد الصوره حالتي حاله بس افكر علما اني وريت الصوره للدكتوره وقالت طبيعي مافيه اي شي ….بس انا خايفه بنات ادعو لي الله يوفقكم ويحرمكم عن النار الله يخليكم اي وحده مثلي تعلمني تطمني اي وحده سوت الرباعي تفهني وش صار معها ؟الله لايحر مكم الاجر ويجزاكم خير
