صليت إستخارة وحلمة حلمين ….!!

صديقتي تعرفة على شخص إسمه أحمد و صلت إستخارة علشان تعرف إذا تستمر في علاقتها معاه للزواج أو تبعد إذا كان مافي زواج سيتم بينهم ..

هي صلت الإستخارة أكثر من مره .. و حلمت حلمين كل منهم في ليله ..

الأول :
كانت في سيارتها مع أمها رايحين للحديقه .. نزلت أمها من السياره و جا ء هو و ركب معاها و تحركوا بالسياره و راحوا مكان في شجر كثير و و قفوا تحت شجره كبيره تغطي أغصانها السياره و هم في السياره حاول يتحرش فيها و يحط إيده في أماكن خاصه ( ………….) و هي رفضت و صرخت عليه( إنت شو تسوى ) وهو حاول يهديها و يضمها علشان تهدى أعصابها .. و فجأه جات إمرأه غريبه و تقولهم ( إنتوا شو تسوون ما تعرفون إن الناس تشوفكم ) و إستغربوا إنهم ينشافون و دخلت المرأه الغريبه و ركبت معاهم السيارة وصاروا يمزحون معاها و يتكلموا وفجأة إختفة المرأه من السياره و صار في السياره ولد و بنت أعمارهم في 9 و 10 سنوات و صارة السياره كبيره مثل سيارات الفان ( سياره عائليه للرحلات ) و من داخل وايد حلوه و كانت في صوره حيه كوبرى كبيره في الزجاج الخلفي للسياره و قالت صديقتي لأحمد ( ليش هذي الحيه موجوده ) رد عليها ( طنشي هذي مجرد صوره ) ..
وقت حدوث الحلم : الفجر
حالتك قبل النوم : عاديه وما تفكر بأي شي و كانت قارأه المعوذات

و بعد يومين حلمت الحلم الثاني :
أخو أحمد جاه ولد و راحت المستشفى مع أمها يزورونهم و ركبت المصعد و إختارة الطابق الثالث و المصعد نزل للطابق السادس تحت الأرض ( P6 ) و فتح باب المصعد و شافت مرأب قديم و فيه سيارات جديده و كانت سياره أخوها موجوده بينهم و طلعت من المصعد و ركبت الدرج و وصلت الطابق الثالث و كان فيه رجال من بينهم اخوها الكبير و أحمد و جا أحمد يسلم على أمها و يبوس راسها و حطت أمها إيدها على راس أحمد و قالت لصديقتي ( ما حبيته لأنه أصلع و مش حلو ) < مع العلم إنه مش أصلع > وجا قعد على الأرض مع رجال ياكل معهم أزر و لحم وهي كانت تتمشا أمامه بكل ثقه .. و جت أمها عطته شي مثل الصندوق و طلبت منه يصلحه .. و خلص الحلم ..
وقت حدوث الحلم : العصر
حالتك قبل النوم : عاديه وما تفكر بأي شي و كانت قارأه المعوذات

الحاله الدينيه : عاديه
الحاله الاجتماعيه: عزباء
المهنه : موظفه