صقور بالسماء

جزاك الله أختي أم باسل على مجهودك الطيب معنا في هذا القسم , و أسأل الله العلي العظيم أن يبارك فيك و لك

و يا ليت تتكرمي و تفسريلي هالحلم

أنا حلمت فيه من فترة طويلة لكن ما بعرف ليه دائماً بظل في بالي , علشان هيك حبيت تفسريلي اياه

الحلم أنه ببقى على درج آخر دور في عمارتنا(قبل السطح) و بطلع على السما و بشوف فيها صقور

(أو نسور ,لأنني لا أميز بينها) حاملة اشياء كثير غالية , و بقول في نفسي أكيد انهم

سارقينها لأنه من وين بدهم يجيبوها , و فجأة بتوقع منهم أشياء من اللي حاملينها لكن ما بتنزل على

الأرض , بتوقع في داخل العمارة عندي فأنا أول شيء باخذ عقد جواهر لونه أخضر ( خضاره كثير حلو)

بيعجبني أولها لكن بعدين ببطل لأنه مش كامل و بقوم ببدله بطقم ألماس (عقد و اسوارة) مع واحدة قريبتي

ساكنة بنفس العمارة معنا. و كمان قال باخذ خاتم ذهب كثير حلو بعطيه بقرر أعطيه لماما

(لكن مش متأكدة اذا بلبسها اياه و لا لأ).

الحالة الدينية عادية

عزباء , 24 سنة , مهندسة لكن ما اشتغلت لسة

الحلم كان بالليل لكن وقت الحلم مش متذكرته بالتحديد لأنه كان من فترة سنة تقريباً قريبتي