صفعتني دنيتي من كل جنب

السلام عليكم

كيفكم

من وانا صغيره ما العب زي الناس ولا استمتعت بطفولتي
وكان في بالي من وانا باقي كتكوووته ان شاء الله لما اكبرر اتغير وتصير حياتي حلوه
واكون سعيده فيها واهم شي اكون قويه تخيلووووو وانا باقي بالابتدائي كنت اتعامل مع الناس برسميه
وما ادري اشلووون عاقله بزيادة واتصرف زي الكبار وهاديه وخجوله مالت علي
وكبرت صرت بالمتوسط والمشكله مازالت بالعكس زادت وعرفت شي ان الناس مايحبون الاشخاص اللي مثلي ويعتبرونهم مملين وانا حساسه وكل ما ابي اتغير واتقدم تتطلع عالفكره براسي مثل اللمبه وكنت موهوبه بس شخصيتي المعفنه فيدتني اني امارس هواياتي واطورها الى ان فقدتها بالتدريج
وقلت بس اروح الثانوي اتغير ولا حياة لمن تنادي رحت الثانوي وزادت تعزيز هالشخصيه العفنه
مع اني كنت اقرأ كتب تطوير الذات وما ادري شو وانا احاول اطبق تتحسن نفسيتي ولكن الاحظ اني انا ذيك ماتغيرت وبالعكس تعرضت لمواقف محرجه ومحزنه زات في تحطيمي والناس بدو يعلقون
على شخصيتي وووحده من المعلمات في الثانوي قالت لي من ضمن الشرح انا كنت مسرحه شوي الا وتقول إن لم تكن ذئبأ اكلت الذئاب وتوجه الكلام لي وتضحك انا تغير شكلي وانحرجت رحت البيت
جلست ابكي وكل شوي اتذكرها ومع الايام نسيتها وجاتي صدمات اكبر منها

وتخرجت وانا كما انا لم اتغير
ولكن للأمانه تغيرت شوي صرت اقدر اسولف واقول رأيي لأني اول كنت خجوووله حيل ما اقدر
اسولف مع اللي اكبر مني ولكن اكتشفت حقيقة اعظم اني طيييييييييييبه بزياده وينضحك علي
وثقتي بنفسي مييييييح وحساسه لو حد بيقولي الصلاه على الننبي يمكن ما انام الليل من التفكير
المهم درست اول سنه بالجااامعه وانخطبت 😉 وقلت بس بس اكيييييد اني بتغييير للأفضل ويصير عندي بيت لحالي وتكون حياتي مثاليه مع زوج يحبني واصير اجتماعيه سهرات مع صحباتي
اللي بتعرف عليهم بعد الزواج وحركاااات وتحلا الحياة واهم شي هم مايعرفوني حياتي من قبل
وكيف كانت شخصيتي عفنه لاني تغيرت للاحسن شوي ومدام انهم مايعرفوني اول اكيد رح اتغييير
كثير واصير وحده ثانيه فرفوشه ومو انطوائيه ولا طيبه بزياده وواثقه من نفسي وتزوجت وحسيت اني ملكه بالفعل واني مثاليه
واني تحسنت للافضل وزوجي الله يوفقه عزز هالشي فيني اني مميزه بالفعل عشت احلى ايام حياتي
افضل من الطفوله بكثير وبمجرد ما دخلنا بالروتين بديت اسمع تعليقات الناس بالذات اهل زوجي اني ما سويت كذا وكذا عند زواجي رغم اعجابهم بجمالي وباناقتي وترتيباتي للزواج ولكن الانتقادات
كانت موجهه لشخصيتي ويافرحه ماتمت يقولون اني كنت خجلانه بالزفه ولا ضحكت كثير ولا رقصت يوم فرحي من الحياء وماسويت حركات بالرغم اني حسيت نفسي مو مره منحرجه وانبسطت باللحظه ذيك
واني مادلعت زوجي لما قعدنا اول مره معاهم زي زوجة خالهم مره مدلعه زوجها وبعدها انتقدوني لان صوتي واطي لمن اتكلم ويوم جو عندي اول مره سويت لهم عشاء رز وايدام وطلعت سلطه نوعين وفواكه ومشروبات غازيه بس وكان المفروض اني اسوي صواني ودلع واتفنن بالتقديم وكلااااااام كثير غيره طبعا هالكلام ينقال مره بوجهي ومره من وراي واذا انقال بوجهي من طيبتي وهبالاتي ما اعرف كيف ارد عليهم واول زياره لهم ببيتي كانت غرفة النوم مفتوح وقالو وش هالخبله مخليه غرفة نومها مفتوحه ماتعرف السنع
مو مقفلتها بالمفتاح وللعلم كان مقفله عادي بس احد الاطفال فتح بابها شوي وجيت انا وقفلتها

وسمعت اللي سمعت من حش واتاثرت نفسيا ولا قلت لهم شي المهم واشياء لاتعد
ولاتحصى مره كنت بروح مع زوجي لزميله اتعرف على زوجته طبعا انا مليت من الروتين وقلت خلني
اروح ومدري كيف عرفت ام زوجي ورفضت وقالت لاتخليها تروح اهي مو اجتماعيه وكيف تتصرف
مع الحرمه والمره اعرفها سنعه وووكلام كثير المهم مارحت وعرفت بعد فتره ان هي السبب

ورجعت حليمه لعادتها القديمه تقدير للذات ضعيف وثقة بالنفس ضعيفه
واحس كل الناس يكرهوني ويكرهون الجلسه معاي لاني هاديه وطيبه

ساعدوني ونوروووني بتعليقاتكم تكفون لاتخلوني جايه افضفض لكم 😡

وبرجع اكمل لكم