صغيره وخايفه من الزواج ابي نصايحكم لي

السلام عليكم
ما ادري اذا كان هذا القسم مناسب اكتب مشكلتي لو لا ما اعرف للنت والي نصحتني اكتب مشكلتي ودلتني على هذا الموقع اخت صديقتي
انا يتيمه الاب والام وعايشه مع اخواني عيشه عذاب وحرمان واهانه وضرب
خالتي ما عجبها وضعي والي يصير لي وخطبتني لولدها عشان ارتاح من ذل اخواني وزوجات اخواني
وانا خايفه ومو عارفه شي والي يزيد علي خوفي كل صديقاتي
يقولون لي يوه تتزوجين الحين حرام توك صغيره والزواج صعب وحتى ام صديقتي جايه المدرسه وشافتني واول كلمه قالتها لي حرام انتي يبي لك تربيه ومسؤليه واهتمام مو تتزوجين وتحلمين يربي وش صاير في هذا الدينا بس يبون يزوجون بناتهم ويرتاحون منهم
مااحد بارك لي او فرح لي يقولون خلاص انتي مو من تبعنا من تبع الكبار احنا تونا صغار وبندلع في بيوت اهلنا مو مثلك زوجه ويضحكون علي
وحده من صديقاتي تقولي دخلي واقرئي عن الزواج وليله الزواج بتشوفيها تخوف وصعبه وحتي الولاده صعبه واذا تبين حتى في مقاطع وصور .. اقول لها تقولوين انتي صغيره ليش تقرين عن الزواج وتعبين نفسك قالت لي لقافه بس ابي اعرف وش يصير بين الزوجين وشلون المرأه تولد
ملكت لي اسبوعين ومو عارفه وشلون اتصرف معاه احس نفسي غبيه وما اعرف اتكلم بس ساكته ومو كلمني الا مرتين ويبي يجي لي يوم الخميس يجلس معاي وانا خايفه
عمري 15 سنه
سؤالي خوااااتي
صحيح الزواج صعب لبنت في عمري ؟ وتعرفون بنت في متزوجه وعايشه حياه سعيده مع زوجها ,, لاني بصراحه مابي ارجع لذل اخواني بعد الزواج
في كتب او مواقع تنصحوني ادخل واقرأ فيها عن الحياه الزوجيه ؟
وشلون اتصرف معاه اذا جاني وش اسوي له ؟
انتظررررررررررررررررررركم