عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
في السنه الماضيه كان زواج اخوي المهم وصار موقف لي مع وحده
كنت طالعه من القاعه رايحه لمكان فيه العاب اطفال ملاهي المهم وكان ولدها يلعب بالمويه يكبها على الارض
وانا قلت له ليش كذا قام ورمى باقيث المويه علي
وكبت على الفستان والتسريحه بس ولله الحمد مثبت الكوفيره كان ماركه ماخرب شي
المهم لما رماها علي قلت ولد عمى صدق منت متربي .
وكانت امه وراي جت بتمسك ولدها وتتكلم عليه
جت مرة خالي بعصايه
تتدخل بالسالفه وقالت بوجهها اللي مو عاجبه يروح بيته
هي زعلت مررررره وخلاص اتصلت تلفون على زوجها بتروح
وامي درت بالسالفه راحت تراضي الحرمه يعني صعبه تطلع من العرس مطروده عشان مرة خالي
قالت الحرمه هاذي لامي انا عارفه بغلط ولدي لكن هي مرة اخوك ليش تقول اللي مو عاجبه يروح
راحت امي لمرة خالي قالت مو انا قلته هاذي ((( داليا )))
لحسن الحظ اني لقطت الكلمه طالعت فيها قلت بوجهها كذابه
المهم رحت انا للحرمه وراضيتها وبست راسهاوهديت لها اغنيه مع اني ماقلت الا منت متربي بس
ومرة خالي تطالع في بعين حاره
وصارت مرة خالي دايم تعيد بالسالفه كأنها تقول ليش تراضيها وتهدي لها اغنيه
انا اتوقع اني بالموقف هاذا احرجت مرة خالي والشي هاذا من صالحي لاني انا ومرة خالي مانطيق بعض بس والله دايم تدقني بالكلام وانا اعطيها بوجهها ماعمري عديتها
اللحين الحرمه رغم اني اعتذرت احسها شايله علي عشان سبب تافهه وخصوصا يوم قابلتها بعد العرس بحفله كنت العب مع بنتها صغيره تجنن جت وشالتها من عندي ماقالت ولاشي
