صديقتي ووالدها..

بدون مقدمات وربي ضااااااااااايق صدري حيييييييييل..
صديقتي ..
إتصلت فيني أمس تبكي ومتضايقه
أبوها تعب ودخل المستشفى..
تقول سهرت معه الليل كله لأنه تعبان مانام وماقدرت أنام وأخليه
ولما جاء الصباح وقت دوامها بالجامعه..
حلف عليها تروح وهي ماتبي تروح علشان تبقى معاه
بس راحت علشان خاطره..
رجعت من الجامعه تفاجئت بالخبر من أخوانها إنو تعب عليهم ونقلوه المستشفى..
وهي مررره متعلقه فيه ودايم تهتم في أدويته وأكله ونومه وكل شي
هو كل شي بحياتها دوم نسميها دلوعة أبوها..
لأنو كمان هو متعلق فيها مررررره..

راحت له المستشفى شافته تعبان يشوفها بس مايقدر يتكلم..
كانت تتصل علي مارديت كنت تعبانه ونايمه..
صحيت لقيت لها أكثر من مسج وإتصالات..
إتصلت عليها ردت علي وهي تبكي وتصارخ
وتقولي بابا تعبان..
رحت الجامعه وهو يحكي ورجعت لقيته مو قادر يحكي..
وربي ماتحملت وجلست أبكي بس من غير ما أبين لها
وهديتها وقلت إن شاء الله راح يقوم بالسلامه وووو
إنتهت المكالمه وكنت مابين وبين أتصل أطمن عليها وعلى والدها..
وأنا صحتي تعبانه مانمت الا بعد الظهر..
صحيت المغرب وما أتصلت لأني كنت تعبااااااانه
وماشفت لها مكالمات قلت أكيد معاه بالمستشفى ومو فاضيه لأحد..
بس المصيبه اللي أموووت ما أنساها..

إتصلت عليها بالليل وردت بصوت طبيعي ع الآخر..
سألتها عنها وعن والدها..
سألتها كيف الوالد إن شاء الله بخير اليوم << أموووت ما أنسى سؤالي ..!
قسم بالله وقفت كتابه من دموعي ما أشوف الكيبورد..
ردت علي وقالت:

بابا رااااااااااااااااااااااااح…

سألتها مره ثانيه كيف الوالد.؟

قالت:

رااااااااح يـ…. << أسمي..

سكت ومانطقت وسألت نفسي وشلون راح وش تقصد.؟
أكيد فهمتوا قصدها كلامها واضح ..
بس أنا عجزت أفهم لأنها قالتها ببروووووود…!!!

وسألتها المره الثالثه وش يعني راح..؟

قالت يعني مـــــــــــــــــــــــــــــآت………..

هنا إنشلت لساني وماقدرت أنطق بحرف..

لقيت نفسي لا أراديآ أقفل الخط من دون ما أعزيها أو أصبرها..

وأنهرت في البكـــــــــــــــاااااااااااااء ..

آآآآآآآآآه ياصديقتي الله يجبر مصابك..

صحيت لنفسي وإن اللي سويته قمة الخطاء بس ورب البيت مو بيدي..
رجعت لها وعزيتها ودعيت لوالدها وحولت أهديها بس ماقدرت تدرون ليه..؟

لأنها مو حزينه …!!؟

كانت مصدوووووووووومه..

يااااقلبي عليها..

تسولف لي وتقول..

ليش تعزيني بابا راح وبيرجع..
أهلي قالوا إنو مات علشان يختبرون ردة فعلي…
وووووو……..

والله تسولف مثل الطفل وأنا منهاره في البكاء..

فجأة تصرخ وفجأه تحتقر الموضوع..

آآآآآآآآه يااااارب ألطف بها…

لما كانت تصارخ كنت أهديها بعدين تسكت وما كأنها كانت تبكي..

وتقولي ليش ماتبيني أبكي وإنتي تبكييين..

آآآه ياصديقتي أبكي على حالك..

أرد عليها وأقول أنا ما أبكي الحمدلله على كل حال كلنا بنموت وهذا حال الدنيا..

ذبحتني هدت حيلي لما طلبتها تنام وترتاح
ردت علي وقالت:
أنا ألحين على سريره..
أتذكر لما كنت سهرانه معه وهو يناظرني ويسولف لي..
وتحلف لي إنو ألحين تشوفه يناظره
بس مو قادر يحكي..

قلت لها شدي حيلك وقومي صلي ركعتين وأقرأي القرآن..
الحمدلله إنو تشهد قبل يموت
إن شاء الله إنو من أهل الجنه..
قالت لي راح أقراه وأكمل القران عنه راح وهو على وشك يختمه..
راح أختمه عنه..

ووووووووووووووو
حكي يااااكثره نقلت لكم بعض من فيض..
مابي أطول عليكم..
بس أنا بسرعه أتأثر وأتعب ماااااا أتحمل
وألحين أكتب لكم وكلي تعب بس أبي رآيكم..
اليوم بروح لها أوقف معها بالعزاء
أمي طلبتني أروح وأنا رافضه أخاف أنهار
وربي ما أقدر..

ودي أوقف بجنبها ومشكلتي خاااااااااايفه
أزيدها حزن..

أنا ما أعرف أواسي أنا أشارك..

مع إنها مو صديقتي المقربه وعلاقتنا صداقه سطحيه
بس ذبحني الحزن عليها..

قولوا لي وش أسوي مو قادرة أواسيها
هي مصدومه مو راضيه تستوعب إنه مات..
تقول راح يرجع..
راح يرجع…
راح يرجع….

آآآه يا……..؟
الله يجبر مصابك ويهون عليك..
ويصبرك على فراقه..

ويرحم والدك ويوسع قبره..
ويسكنه فسيح جناته..

يااااااااارب العالمين..

دعواتكم له ..

ودعواتكم لصديقتي وأهلها..