صديقتي وموقفها من زواجي

السلام عليكم ورحمة الله وبركاته





يابنات انا راح اسرد لكم قصتي وابيكم تحكمون من وجهة نظركم
ممكن اكون على خطأ وظالمه هالانسانه
والله هالموضوع محيرني
هالانسانه اللي راح احكيلكم عنها هي اختي اللي ماجابتها امي
تعرفت عليها من هالمنتدى الغالي
قضينا سنوات مع بعض اشكيلها وتشكيلي افرح لفرحها وتفرح لفرحي
كنا يوميا نتكلم ع المسن وبعدها ع الواتس واذا وحده فينا غابت فتره
الثانيه تتصل وتسأل وينشغل بالها
كنا مثل الاخوات واكثر
والله كتب انه انا اتزوج قبلها
وهي فرحت لي ودعيت لي بالتوفيق
بس حسيت انها انجرحت مو لاني اتزوجت قبلها لانها خافت اني راح انشغل عنها واتركها
لانها مرت بهالتجربه مع صديقه لها
ووعدتها اني مستحيل استغنى عنها واني مو النوع اللي يفرط بأحبابه مهما كان
بس يمكن التجربه اللي مرت فيها كانت صدمه بالنسبه لها وخافت انها تتكرر
وبدأت تسحب نفسها
ماصارت تسأل عني ولاتكلمني الين انا اتكلم معها ترد علي
تقول ا خاف زوجك يكون معك واحرجك بس احس انه مو عذر لانه اكيد زوجي ماراح يكون
معي اربعه وعشرين ساعه وحتى لو كان معي وكلمتني اقدر اقولها الحين مشغوله بعدين اكلمك
كل البنات اللي معي يكلموني في اي وقت وارد عليهم عادي
وقلت لها بهالشي بس مو راضيه تتقبل
وانا والله دايم اكلمها واسأل عنها عشان اثبت لها انه مستحيل اتركها
بس مافي فايده
هي طبعا مثل اي بنت ودها تفرح وتتزوج وانا والله دايم ادعي لها
ومره قلت لها اذا تبين انا مستعده اوقف معك واسألك خطابات بس رفضت بحجة انه اهلها مايوافقوا عن طريق خطابه


ودي نرجع مثل زمان صداقه مثل هذي حرام انه تنتهي بغمضة عين
وتصير شي عادي
دايم اقول ماابي اكلمها واشوف اخرتها معها
بس مااقدر اصبر واحن لها واكلمها
قاهرتني وربي احس عذرها مو مقنع انه ماتبي تحرجني مع زوجي
طيب اذا كان عشان زوجي ماتبي تكلمني
في الحج قلت لها زوجي راح يحج وانا جالسه في البيت لحالي قلت عشان اختبرها اشوف عذرها زوجي ولا هي تبي تبعد وفعلا ماكلمتني ولا شي


والحين صار لي شهر ماكلمتها وهي نفس الشي
يابنات قولولي هي معاها حق ولا انا
وشلون اتصرف معاها


اسفه طولت عليكم