عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء النور فراشات
حبيت أشاركم بقصتي لعلكم تستفيدون منها
كان عندي صاحبتي الروح بالروح نحب بعض ونخاف على بعض من الإبتدائي للثانوي
و أعتبرها مثل أختي و أكثر ولا بيننا أسرار أبداً
ولما تخرجنا من الثانوي أنا إنخطبت وبدأت صاحبتي تتغير علي بشكل غريب
تتهرب مني و كل ما اتصل عليها تقول أختها نايمه ولا عاد تتصل علي
قلت يمكن عندهم مشكلة إستمر الوضع شهر تقريبا وبعدها رجعت لي وكانت تقول أشتقت لأخبارك
وتركز بالسؤال عن خطيبي وأنا على نيتي ودايما تسألني لما نتقابل وش ارسل لك وش يقولك لما يكلمك
وكانت تاخذ جوالي وتشوف الرسايل وانا معها وطبعا ماجاء في بالي شيء أبداً
ومرة صدفة كنت جالسة معها بغرفتها وراحت تجهز السفرة مع أمها لان كانت عندهم عزيمة
و انا قعدت اقلب في تسريحتها و اتفرج على اغراضها لان الوضع بيننا عادي جداً
لقيت جوال لها وجلست أقلب فيه وكان موبايلي واعتقدت انها اشترته جديد عشان المناسبات والزواجات
والجامعة لانها كانت دايم تقول لي بشتري شريحه ثانيه
المهم
دخلت على الرسايل وكانت الكارثة ولا قدرت أصدق من الصدمة
رقم خطيبي يرسل لها رسايل غرااااااااااااام !!!!!
حاولت أكذب عيوني ولا قدرت و اتصلت على طول على خطيبي وطبعاً انكر هالشيء وقعد يحلف انه مايعرف غيري رحت واجهتها باللي شفته انصدمت وقعدت تبكي وانا ماقدرت اجلس ورحت لبيتنا
وانواع البكاء والقهر خسرت صديقتي الوحيدة وخطيبي
وبعد فترة ارسلت لي على جوالي تقول انها سوت كذا لانها تغار علي !!!!
وماتبي أحد يحبني غيرها !!!!
وبكذا انتهت علاقتي في صديقتي و انهيت خطوبتي
عسى الله يعوضني خيرا
