صديقتها سبب حزنها

سامحوني لو طولت بالسالفه هي تخص أغلى انسانه عندي( صديقتي ومشكلتها مع صديقتها)
وخليني اسمي صديقتي مها .. وصديقتها نوره عشان تكونو على بينه

عرفو بعض من اربع سنوات .. وتعلقو كثير ببعض… بينهم مسجات واتصالات كثير باليوم

يعرفون ادق تفاصيل حياة بعضهم يشكون لبعض ويفضفضون وكل وحده مرتاحه للثانيه عالاخر

رغم انو فيه ايام تمر عليهم يصير فيها مشاكل ونكد وزعل بس يرجعون لبعض وتتصافى القلوب

وبتكلم عن الثانيه اكثر( نوره) عشان تفهمون الوضع زين

كانت مره مره متعلقه بصديقتي وتكلمها وتطلبها كثير جوال او عالثابت واحيانا لما تدخل صديقتي ماسنجر تزعل ذيك تبيها جوال تبي تسولف وتجلس معاها وقت كبير ولا تمل

وصديقتي تحاول بكل ماتقدر توفر الجو اللي تجلس فيه معاها وتكلمها لانها حاسه بوحدة صديقتها,وحاجتها لصديقه توقف معاها وتحس فيها

نوره انسانه مطلقه وصديقتي مها متزوجه يعني تستغل الوقت الي يطلع فيه زوجها وتكلمها او لما يناام
وزوجها عنده محلات ومشغول نوعا ما يعني البنت صار عندها فرصه تجلس مع صديقتها وقت كبير..
مع العلم ان زوجها مره يحبها ومتعلق فيها
ومو مقصر معاها وحياتها الزوجيه جدا مستقره
مها انسانه تحب التضحيات كثير لعيون هالبنت لانها حاسه بمعاناتها وحاجتها للصديقه الوفيه

وبصراحه اسلوبها مرره حلو فيها وفاء وفيها نبل وتقدر الصداقه وبقوه
بس مشكلتها عصبيه مرره
وياما طلبت انا منها وطلبت وطلبت منها تخلي اهتمامها بزوجها والناس اللي تحبها وتهتم فيها.. وتنسى هالبنت وتبتعد عنها وتشيلها من بالها لكن مها مصره انها مستحيل تتخلى عنها
ولا راح تنساها وبتبقى صديقتها الوفيه اللي ماتبي غير سعادتها ورضاها..
المهم الي صار
ان مها لما لاحظت ان نوره بدت تغير وتقول عندي ظروفي ومشاكلي وو
ذيك مرات تتحمل هالظروف ومرات تعصب لما تفقدها او تحس انها ابد مو هي الاولى
وجاء بيوم وكتبت لها مسج تدعي عليها وكانت بقمة عصبيتها واألمها
اللي صار ان صديقتها ماتقبلت هالكلمه وانقهرت وقررت تعاقبها
وكان العقاب قوي مرره رغم ان صديقتي سوت المستحيل عشان تبرر لها انها فعلا كانت بحالة عصبيه ولا قدرت تحمل تغيرها عليها ودعت عليها
والثانيه على يقين وثقه كبيره جدا ان صديقتي تحبها وتغليها وماتقدري تستغني عنها ابد والدعوه قالتها من ورى قلبها
علاقتهم جدا قوويه
المهم ان نوره ابد مو راضيه تسامح ومها تدمرت نفسيتها و تألمت وتعبت لان صديقتها مو راضيه تسامح وتنسى هالغلطه وانها جات وقت غضب مو اكثر
مسجتها كثير جوال تعبر عن ألمها وحزنها وندمها وتطلب السماح كلمتها اكثر من مره ,,عشر تطنش ومره ترد بس باسلوب جااف ويقهر
حظرتها نورة كثير عالمسنجر ومها تدري ومع هذا قالت بتحمل ثمن غلطتي
سوت كل اللي يجي ببالكم عشان نوره وعشان تعيد المياه لمجاريها مثل اول…لكن نوره كانت ذيك الفتره قاسيه مره على مها
ولا سامحتها الا بعد شهرين معاناة وترجي وندم!!

بين مسجات ومكالمات ومسجات عالايميل من مها .. تنازلت بعد مامسجتها وكتبت مسج مره مؤلم انها تعذبت من قسوتها كثير ياليت تسامحها
ووفعلا جا الفرج وقالت بسامحك بس تراني تغيرت حطي هالشي ببالك!!!!!
الصداقه مو تضحيات ووفا وتنازلات دام ما تضر العلاقه..!!

اجل ليه هالقسوه !!
بعد شهر رجعت مها كلمتها( لاحظو قبل كانت نوره اكثر من يتصل ويسأل ومتعلقه وكل وقتها لمها)
مع اني والله كنت مطلعه على امورهم وباين محبة مها لها وبشكل كبير ولا تقدر تعوضها بكنوز الدنيا
حتى نوره معترفه ان هالبنت قلبها مو مثل باقي الناس من طيبتها ومحبتها وتفضيلها لهالصديقه على باقي الخلق
يعني احيانا تسوي شغلات تبين معزة وقدر هالبنت بقلبها.. والله اشياء كثير مااقدر احصيها لكم تدل على ان هالبنت معدنها اصيل وتقدس العلاقة بقوه
ومستعده تنازل عن كنوز هالدنيا بس ماتفقد هالصداقه
اللي صار انها بعد شهر من هالمسج ( لما قالت بسامحك بس حطي ببالك اني تغيرت).
كلمتها والمشكله صار لها الان 3 شهور بالضبط.. ومع هذا كانت مره معصبه على مها وصارت تجرحها بالكلام انا ماعاد يهمني احد بالدنيا غير اهلى قالت مها واانا امري مايهمك قالت عادي قالت يعني انا وجودي بحياتك صار عادي؟
قالت ايه قلت لك ماعاد يهمني احد اهلي وبس
مها انقهرت وتألمت وستأذنتها وقالت يلا بقفل.. وقفلت الخط وعلى طول حذفتها مسنجر قالت دام ماتبيني وتشوفني شخص عادي بحياتها انسحب احسن
والله اني طول ايام الفراق الي حصل بين مها ونوره كانت مها تبكي وتعبانه مو متصوره انها تعيش بدونها هذي العلاقه سنوات مو ايام وتنساها وماكانت مجرد صداقه وبكره تنسى!

وكانت تتمنى لو تشوف اتصال منها او مسج حاولت بكل السبل انسيها هالبنت وصرت معاها اكثر من قبل ومتمسكه فيها بصراحه مها هي اغلى انسانه ولا اقدر استغني عنها واعترف اني احيانا احس بغيره لما اشوف اهتمامها فيها وحرصها على رضاها
وتمسكها العجيب فيها.. و كانت كل مره تصير مشكله بينهم تكون مها هي اللي غالبا تنهي هالخصام..
واللي صار بعد هالغياب بشهر كامل( الحين المشكله لها اربعه شهور) مسجتها نوره وقالت كيفك مها طمنيني عنك
مها ارسلت لها اليوم الثاني وقالت انها بخير ولله الحمد
والمصيبه ذيك بطلت لامسجت ولا فكرت تدق وتعتذر عالكلام اللي قالته
وصاب مها احباط فضيع وتألمت اكثر ليه تسأل عني دام ماتصلت واعتذرت.
بعد شهر برضه ثاني ( خمسه شهور الان) مها خلاص ماعاد تقدر تتحمل
ارجعت ومسجتها قالت بنفتح صفحه جديده بدون مشاكل او زعل توافقين نرجع لبعض رغم انها مجروحه وتعبانه… بس قالت اتغاضى شوي لعل الامور تكون من صالحي وتحس اني للحين شاريتها..