صدمه

طال أنتظاري والامل فارق العين
يوم الاماني تستهين بشعوري
بعد العمر ينكر مع العشره سنين
ونيت ؟ لكني تمّاكنت طوري
أنا معه كنا بهالعالم أثنين
واليوم أدوّر من يصافح سطوري
دنيا تغيّر من بها .. والمظامين
صرنا نشوف الحب ماهو ضروري
روس النخيل العاليه طولها زين
جاها شتاها ماشكت ياجذوري
مديت كفي للثمر قالت منين
موسم خذا تواضعه من غروري
وش جاب في روض المحبه ثعابين
وقبل أمس زرع الروض كادي وجوري
صدمة أمل تستوطن الواقع الشين
تسأل ظروفي عن ظروفي ودوري
حاولت أباحكي عن محبة مساكين
والليل معتم .. ليه طفّيت نوري
صحرا همومي تلسع أقدام حافين
وأنا مشيت الدرب والشور شوري
وجيت أسأل اللي ساكنً قرة العين
وينه وأنا عجزت أجبّر كسوري