~ صدقة جاريه لي و لمن مات قبلي ~

السلام عليكم ورحمة الله وبركاته

اعذرووني ع التعبير بيجيكم حااف

ببداء في موضوعي ..

الأغلبيه من الأعضاء توفى لهم ناس غالين على قلوبهم ..

ورحلوا عن دنيانا .. بس إن شاء الله كانت لهم اعمال فيها خير

تنفعهم يووم القياامه إذا وقفوا بين يدين رب العالمين ..

هنا ابي من كل عضوه تذكر لنا موقف او قصه او محاضره لأي شخص رحل عنا

وترك هالفعل و إن شاء الله بتكون صدقه جاريه له وهوا ميت ..

* الموضوع ما يقتصر ع الأمواات حتى و إحنا احياء نقدر نسووي صدقااات جاريه تنفعنا بعد رحيلنا ..

الطرق كثيره و الأبوااب مفتووحه ..

نقدر ندخل مع اي بااب ..

البعض منا يحسب ان الصدقه الجاريه تقتصر على بناء مسجد او حفر بئر او توزيع مصاحف ..

لا الصدقه الجاريه هي اي عمل خير مستمر بعد وفاتك ..

منها رسائل البريد تكتب رساله دينيه و ترسلها و الرسايل راايحه جاايه بين الناس

ومنها الأوراق الدعويه مثل ورقه مكتووبه فيها الله أكبر * استغفر الله * سبحان الله

و تحطها في مكاان عاام مثل المدرسه او الكليه او الشارع او المسجد وكل من مر قراها و تاخذ اجره

و منها النصح .. تنصح غيرك بشيء و غيرك ينصح غيره و غيره …. و انت تاخذ الأجر عنك و عنه و عنها و الجميع ..

وحتى رسائل الجواال .. افتحي جوالك وشووفي اخر رساله ارسلتيها لمين و ايش فيها

ما تدري لو هي اخر رساله بترسليها ..!! خلي جوالك يكوون شفيع لك يوم القيامه برسايلك ..

يلا بنبدأها حملة (( صدقه جاريه لي و لمن مات قبلي ))

* نسيت نقطه مهمه ..

تصدقك على من ماات يعتبر كهديه له في قبره يفرح بها .. فلا تحرمي من مات من الهديه