عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
راح ادخل في الموضوع من غير مقدمات 💡
انا عندي مشكلة من قبل 4 سنين كنت في الثانوية وكنت في البداية معجبة بوحده من البنات المهم اتعرفت عليها وعلاقي فيها كل يوم عن يوم كانت تقوة مررررررررررررررررررررررررررررررررررررررة الكلام دا وانا عمري 17 سنة كنت اولى ثانوي كنت مررررررررررررة احبها لدرجة اني ماكنت اركز مع الدرس بس كنت أطالع فيها المهم خلصنا من الثانوية وعلاقي كل مالها تزيد والحب بيننا يزيد لدرجة اني لو ماكلتها في اليوم كل ساعه احس في شي ناقصني دايما اروح لها وتجيني طبعا العلاقة مااقتصرت على الشي دا لا اطورت وانتو فاهيمن ايش يعني اطورت ماابغى اوضح اكثر والحين انا وهيا في الجامعه وداااااااايما مع بعض وطبعا في الجامعه الوضع دا مرررررة طبيعي لانو كل وحده معاها حبيبتها من يوم مادخلت الجامعه بدأ الشي الي بيننا يزيد استالي اتغير سرت دايما اقص شعري بوي ومااحط مكايج مع اني مني مسترجله بالعكس مو مدح في نفس وجهي مرررررة بيبي وملابسي كلها سبورت مافيها اي شي من الأنوثة طبعا امي بعد فترة طويلة لاحظة الشي دا اني اقص شعري بزياده ومااحط مكياج مااطلع كثير ومن الكلام دا رجعت تاني طولت شعري وانا شعري يطول بسرعه ماشاء الله اول السنة كنت قاصة بووووووي وديحن شعري سار لنص ضهري وسرت احط مكياج مررررررررة خفيف عشان لاتشك فيا
انتو راح تقول ايش المشكلة النفسية الي تعاني منها
انا ماعندي اي مشاكل نفسية انا والحمد لله من عائلة اقدر اقول انها مبسوطة وابويا مهندس امي موجه وكل اهلي على درجه من العلم والثقافة والحمد لله صح امي وابويا مشغولين عني وماعندهم وقت يتكلمو معانا وصح اننا تربيتة خدم بس مايقصرو علينا بالفلوس مرررررررررررة يعني المكافئة الي تجيني وربي وربي وربي ماابالغ اتصدق فيها والمشكلة اني بدأت اكبر ومو مدح في نفسي والله العظيم انا والحمد لله فيا اشياء مرة مرة حلوة يعني شعري لما طول سار حلو وجسمي حلو والحمد لله والشي دا بزيد من من العرسان وكل ماجاني عريس ارفض مااتخيل نفسي اتزوج ليش ماادري كده مااتخيل نفسي مع رجال واني اسيب حبيبتي وماشوفها كل يوم ومااقدر اسوي معاها شي وطبعا احنا في الجامعه كل وحده تعرف التانية وفي ناس تنقد العلاقات الي زي كدا مع انو من غير ماابالغ اقدر اقول انو 90 في المية نفس حالتي و5 في المية حقون شباب و5 في المية من رحمى ربي وانا اهلي وجمعتي من ال 5 في المية الي من رحمة ربي يعني كل مااشوف وحده منهم بالجامعه اسوي اني ماشفتها مع انهم عارفين اني كدا وطبعا هذا الشي لو وصل لامي وابويا اروح في خرايطها
حتقولو لي صلي والله العظيم مااسيب فرض ولا ااتهاون بالصلاة حتى في الجامعه البنات يستغربو اني اصلي انا وحبيبتي لانو معروف انو الي زي حالتنا مايعرفو القبلة في الجامعه والحمد لله اتصدق ودايما اروح مع اهلي واسوي عمره يعني الحمد لله مو مقصرة في ديني
ولا احد يقولي روحي دكتور نفسي مررررررررررررة صعبة عليا وعلى اسم عليتي حاولنا انا وحبيبتي اننا ترك الشي دا فترة مااتعدت 3 اسابيع ومااتحملنا ولما رجعنا رجعنا على اتقل خلاص من جد مني متحملة:(
بس وربي مو بيدي لما اشوفها انسى كل شي
الله يخليكم الي عندو اي حل يقولي عليه
اول شي مرررة شكرا على الردود لاني اكتفيت
تاني شي حابة اقولكم انو المشكة هذي وهمية من نسج الخيال انا اخر سنة في الجامعه قسم علم أجتماع وكان عندي مشروع التخرج عن نظرة المجتمع للشذوذ وكيفية التعامل معاهم والحمد لله كثير افادوني بالموضوع دا وجزاكم الله الف خير لإحصائية الي سويتها طلعت صح 100 في المية انو للاسف في ناس تشوف الشذوذ حيوانات مو بشر وهذا غلط لانو في الطب في شي اسمو هرمونات وهذا موضوع مرة طويل شرحو وفي شي اسمو سلوكيات واخلاقيات الفرد وللأسف انو الناس مايهما نفست هذا الشاذ بدال مانصلح ونخلي ثمرة لمجتمع راقي لا للأسف نكسر في ونهينو ونخلي اكثر عدوانية ووحشية الدين النصيحه ياناس والشاذ انسان صح انو غلط بس مايسير نعالج الغلط بالغلط وترى انا اتكلمت عن الموضوع دا في الجامعه صح اني مني محاضرة بس الدكتورة ادتنا فرصة تنكلم والحمد لله كثير بنات اتغيرو بعد ماألقينا انا وصديقات المحاضرات احنا نبغى نحل ياناس مو ندمر وللأسف ترة في كلام كثير كان جارح يعني لو من جد في وحده عندها مشكلة زي كده وعرضتها والله راح تتمسك بالشي دا وتستمر على غلطها ليش احنا نبغى بنات صالحات مربيات اجيال مو مهزوزات فكريا وجسديا واتمنى من الجيمع الحلم والتفاهم مع هذي الشريحه من المجتمع في الاخير ترى هما بناتنا واخواتنا واهلنا
اسفة على الأطالة وشكرا جزييييييييييييييييييييييل للمساعده
