صالون جاك ديسانج جدة – صالون حواء جدة << ضروري

😐 😛
بنوتات جدة والمترددات على صالوناتها

قبل أسبوع شفت عروسة وأهلها في مكة وكان تجهيزهم عند

جاك ديسانج بصراحة جدا رااااااااااااااقي

مع اني اعرف العروسة بدون مكياج كان مكياجهم عليها احترافي بروفشنال

وطلعت جميلة جدا

مع انها عادية يعني اشتغلوا على ابراز ملامحها ومع كذا المكياج ناعم

يعني اللي ما يعرف العروسة يقول المكياج ما أضاف لها شي

يحس هذه طبيعتها

وكان وجهها يلمع زي لمعة مكياج الاوروبيات وغادة عبدالرازق في الباطنية ..مو كلين ..

بصراحة مرررررررررررررررررررررة عجبني << طيب وبعدين 👿

المهم أنا عندي في العيد أفراح في جدة وقررت إن شاء الله أروح لهم

أنا عارفة العنوان والرقم ..

بس أبغى تفاصيل

كيف شكل الصالون ( ديكوراته وفخامته الخ) ؟

نظامهم الحجز وعدمه ؟

التعامل مع الزباين ؟

أسعارهم والخدمات المقدمة منهم ؟

مين العاملات المتميزات في كل خدمة؟

ومشكوورات مقدما ..

وكمان أبغى أسأل صالون حواء اللي في حراء نفس التفاصيل السابقة

لأنه عادة نسكن في حراء؟؟

وكمان ريما سنتر ؟؟ نفس التفاصيل اللي فوق وتسلمون..

على فكرة أنا شفت شغل منة سنتر مرررررررررررة عادي الناعم ومو دقيق رسم الآي لاينر وشفته كمان على عروسة جدا جميلة

يوم شبكتها طلعت أقل جمال المكياج مو مناسبها مع انها تقول مو اختيارها وكان سموكي ..

سمعتهم مبالغ فيها..

كمان شفت شغل بثينة كمان عادي ومو مميز وشفت كارمن على العروسة روعة اما اهلها اقل من عادي

التساريح والمكياج..

وكل الشغل اللي شفته هذا الشهر ..

أنتظر الردود ياليت الكل يفيد ويستفيد ..

وتسلمون قمورات مقدما..