عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
اليوم كنت نايمة بين الظهر والعصر وكنت احلم
صحيت يمكن 4 ونص
فتحت عيوني بصعوبة شوي شوي حسيت كان احد ماسك يديني ورجولي بيدينه ومكتفهم عشان ما اتحرك
او مربطهم
ولساني صعب اتكلم ونفسي صعب شوي
حسيت بشخص يجامعني كنت متيقنه وفاتحة عيوني وكان في الحلم ايضاً يجامعني
الغرفة كانت ظلام نوعا ما وانا متعودة انام باب غرفتي مقفول ولي جناح تقريباً
حاولت احرك راسي اناظر تحت ما قدرت بس حسيت كان في شي اسود تحت رجولي ــ<< احساس وغير متاكدة
اول مافتحت مرة وصحيت بديت احس باعراض الجماع تنسحب شوي شوي (ما اقدر اوضح اكثر )
بديت اقرأ المعوذات والكرسي واي ايه من القران وانا هادية ولله الحمد
في البداية كان صعب علي وشوي شوي بديت اقرأ بشكل اسرع واكثر سلاسة ولساني ينطلق وبنفس الوقت بدت الاعراض تنسحب
يديني بديت اقدر اتحكم فيها تدريجيا وكذلك رجليني
لحد ماراح تماما
فتحت عيوني قوة وقدرت اجلس على السرير ورفعت البطانية عن رجولي ابشوف فيه رباط فيه شي ماشوف شي ابد
ولعت النور وتفقدت الغرفة برضو مافيه شي
انا عايشة ببيت محترم واهلي ناس محافظين
مستحيل يكون اعتداء من احد
والباب مقفول ولي جناح كامل
ملابسي علي وكل شي علي ومافيه اثار اعتداء
طبعا بحثت عن الموضوع لقيت هذي اعراض الجني العاشق والعياذ بالله
الحالة هذي جتني بثاني متوسط اول مرة وتكررت بعدد اصابع اليدين تقريباً على فترات متفاوتة لحد الحين
عمري 29 يعني طوال 15 سنة تقريباً
انا غير متزوجة , جميلة الحمد لله ماشاء الله تبارك الله لكن في اخر سنواتي جاني خلل في الهرمونات ومشاكل في المبايض
وتعبت بشرتي وشعري
لما حلمت هالحلم اليوم كانت علي الدورة وفي الايام السابقة اللي جاني فيها هالشي ما اتذكر اذا كانت علي او لا
انا انخطب كثير ماشاء الله تبارك الله لكن ولا خطبة تمت , اخر خطبة كان المهر معي وتفركشت
افرح اذا سمعت ان احد بيخطبني واتضايق اذا بداء الموضوع يصير جدي
وطبعا كل مال الخطاب يقلون لدرجة شبه اندثروا الحين
عندي مشاكل كير بالبيت وعاني نفسياً
انا تديني عادي
ما التزم بقراءة الاذكار اتحمس فترة ثم اتركها عجزت التزم كان شي يمنعني
من 8 شهور تقريباً امي تطلب مني اروح لوحده تقرأ علي وكل يوم اقول طيب بكرى (( كان شي يمنعني )
تعبانة كثير يابنات
تعبانة ارجوكم ساعدوني هذا ايش بالضبط هذي احلام وشي عادي يجي لكل البنات
ولا اعراض شي شيطاني
ارجوكم اذا تنصحوني بالقراية رشحولي شيخ انا بالرياض
اللي ماعندها علم تدعيلي,,, ارجوكم ادعولي بالفرج
اعتذر على الكلام اللي كتبته لكن انتم خواتي ولجاتلكم
وانا ما اقدر اصارح احد ابد حتى اقرب الناس لي لاني اخجل واخاف يفهموني غلط
نسيت اقولكم انو قد جاني جاثوم , مااعتقد ان هذا جاثوم لان الجاثوم اللي يجيني يكتمني من فوق لتحت اقوم كان احد كاتم نفسي او كان جدار طايح علي من ثقله
وفي سنة من السنوات (هالسالفة قديمة شوي ) كنت لما انسدح عشان انام ع السرير احس كان في احد منسدح وراي
لدرجة احط يدي على ظهري والمس مافي احد
واتقلب واحط البطانية على جسمي كله زي اللف عشان اضمن مافي احد , كنت احس بانفاس شخص معي اكثر شي
اهملت الموضوع ولا عاد تكرر الحمد لله
الشي الثاني انا انسانة متزنة جدا خارجيا وطبيعية مية بامية مظهري مافيني شي ماشاء الله بس المشاكل اللي قتلكم عليها وهذا الشي
وفيه اكثر من شخص كان له نفس فيني (يعني يبي يتزوجني لكني ما ابيه لعيوب فيه ) لدرجة احدهم يصرح بذلك ويقول انا نفسي فيها
انتظر ردودكم
