عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
يابنات انا محتاره في صديقتي اعرفها من 7سنين اعرفها وماعرفها يعني ماقيد جربتها في مواقف الا في عزا جدتي جات عزتني اوك انا انقطعت عنها ايام الجامعه اتلهيت مع صحبات تانين وانا من النوع اللي اتعرف على كتير بنات ماشاء الله اجتماعيه والبنت رجعت تدق عليا بدا التواصل تاني سنه 3 جامعه واروحلها وتجيني ماشاء الله كنت مرا فرحانه
بس صار منها حركات وابغاكم تقولوا بالامانه اذا غلطت لاني خلاص بقاطعها نهائيا
اول الحركات
1_وبعدين انخطبت بعد خطبتي قالتلي قلت لابويا لانا اسبيشل انخطبت وقال يالله بناتي حلوات ليش مانخطبوا طبعا امي لمن دريت ماعجبها الكلام((لانه فيها الكلام زي الحسد))
2_ملكت وجات معايا الكوفيرا ورحنا القاعه مع بعض طيب في القاعه في غرفتين لمن وصلنا رحنا الغرفه نلبس الفساتين الا دخل زوجي الغرفه الاولى عشان نتصورطبعا لبست ورحتله عشان اتصور معاه وصحبتي لبست عبايتها وغطت وجهها(( لكن جات سلمت عليا وحضتني وكشفت وجها لزوجي وطالعت فيه انا زعلت في قلبي بس قلت يمكن مو قصدها
3_عزمتني في ملكت اختها انه ملكت رجال وسالتها في حريم قالت لا طبعا بعدين اتفاجات انه معازيم كتير مرا كويس اني اصلا كنت متكشخه ولا كنت اتورطت
4_ابوها ماعبري ابويا انه يعزمه في الملكه على قد انه ابويا عزمه هو وولده على ملكتي انا طبعا زعلت لابويا بس كل العاده سكت
5_في نفس الملكه زوجي عصب عليا وقلي خلاص سهر لاني قلتله تعال 8 على اساس انها ملكت رجال ولمن خلصت قالتلي اديني اكلم زوجك اقنعه ((((((((((وقتها انا انصدمت عندنا عيب مرا هيا الدنيا سايبه تكلم زوجي اذا اختي وهيا اختي ماكلمته))))))))))
طبعا هزئتها بمزاح
6_جيت ابغى اخرج من الملكه ماقدرت عشان كان في رجال كتير عند الباب وانا مستحيه اعدي من جنبهم فصار زوجي يصرخ في الجوال طفش الرجال يستناني عند الباب فجات صحبتي من ورا ظهري وصارت توجه الكلام لزوجي ((((سيبهاعندنا ابغاها لاتاخذها))))بتسمعه طبعا الكلام انا على طول قفلت السماعه وانقهرت
طيب يابنت الناس انا مرضيت تكلميه تقومي تصرخي عشان يسمع صوتك
وكل العاده طنشت
7_ جات الدورات المجانيه من الملك وانا ماكنت اعرف عنها ابدا المهم قالتلي لانا في دورات ب700ريال قلتلها انا سمعت انها مجانيه قالت لا ب700 وطبعا مارضيت لانه ماعندنا اماكانيات
وغابت البنت شهر واتصلت عليها وقولتلها اعاتبها فينك قالتلي انها درست الدوره وقلتلها ماشاء الله طيب كويس متى تبدا الدوره التانيه يمكن اجمعلها فلوس قالت لا يالانا هيادوره وحده عشنها مجانيه
من الملك قلتلها كيف انتي قلتيلي انه بفلوس قالت ها انا ماتوقعتك تبغي عشانك متزوجه وحامل المهم شايفين تغير الكلام
8_طبعا بعدين اتخرجت الحمدلله وانقطعت عنها فترت الاختبارات
تعرفوا بيت واختبرات وحمل مابقدر افضى اكلم احد حبيت ابلغها اني تخرجت فاتصلت عليها قلتلها وانا اصرخ فلانه اخيرا تخرجت
تخيل اش كان موقفها قالت مبروك ببرود ماحد يتخيلوا وبعدين قعدت تعاتب ليه ماتصل عليها
9_للاسف اتصلت عليها وقلتلها ممكن فلانه بكم الكرسي حق قاعة اوركيدا عشان ان شاء الله لاولدت اسوي لطفلي فيها يمكن تكون غاليه ((المكان اللي سوت اختها ملكتها فيه))بس انا عجبنب عشان صغير وفخم فقالت ب170 ريال الكرسي انا بسلامت نيه يابنت متاكده لانه الدارالبيضاء ب170 اناعارفه لاني سويت فيها ملكتي
قالت انتي كيف تقارني الدار البيضاء باوركيدا اوركيدا افخم فندق في جده ومن الكلام هذا كلهوكانت مرا زعلانه انا مارضيت ارد عليها ((((((((((((اللي يضحك في الموضوع اني ماسويت لا سابع ولاشي حتى في البيت من قوة النقنقه))))))))))))))
10_طيب جاتني في الولاده تخيلوا بنات اش سوت ضغطت على بطني تقولي كيف تقوليلي انه عندك بطن وانتي ماعندك
11_اتكلمت اخر مرا معاها في الماسنجر لسه قبل شهرين عن الفساتين وغيره فقالتلي ماتفتكري فستان ملكت اختي
الحركه الاخيره بديكم هيا شويه لاني عملت نسخ من الماسنجر عشان تحكموا
عن Imwaleed
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …