شي ما ينسكت عليه……..ادخلو للأهمية

انا بصراحة من فترة وانا اقرا في مواضيع الزواج وتاخر النصيب ومدري ايش
وانا والله بدعي لكل بنت باستر زي لاني بنت واتمنى اكون ام وربة منزل

بس المشكلة وصلت لدرجة التسخط من كثرة البنات ومعرف ايش واذا يعني كثرو البنات خير يعني
انتي بنت وتتسخطي بدي الطريقة على كدة كل رجل راح يحس انو اهم واعز من المراة لانو الرجال قليلين ونادرين دي الايام

طيب ليش كل دا الاذلال ليش تحسسي نفسك دا الاحساس
ياترى الشباب بيفكرو بنفس دي الطريقة
لا والله ماعتقد بالعكس لما الولد يشوف انو الناس بتتكلم عن كثرة البنات بطريقة سلبية اكيد راح يشوف نفسه عليها وانه اهم واعز منها
وان والبنات كثيرين والرجال نادرين وانو كل ماندر الشي زادت قيمته
اختي الحبيبة انصحك عزي نفسك وحسسي نفسك بقيمتها ترى انت اعز واهم من كل دي التفاهات وحرام وقريت موضوع لوحدة من العضوات تقول فيه (اريد رجلا) اختي المتزوجة دعي زوجك يتزوج من اخرى ومدري ايش وخلي فرصة لغيرك ومن دا الكلام

ليش يعني خلاص اصبح الزواج هو الشي الوحيد اللي يعزالبنت لدرجة انها تظلم نفسها مع واحد ممكن ما يحبها بس عشان تتسمى متزوجة
اللهيهديكم بس

تقبلو موضوعي واي نقد انا اتقبله بصدر رحب..