شي شفته في الزفه وااااااااو ….!!!

الســــــــــــلام عليكم يا أحلى فراشات

أول مره انزل موضوع بالنك الجديد (( أميرة المساء )) القديم
أسفه طولت عليكم راح ادخل في الموضوع جديد

الحركه صارت في زواج بنت عمي اقسم بالله خلت الناااااس
منبهرين والحرمه اللي جات سوتها لها والله بعد ما خلصت بنات كثير
اخذوا رقمها..

راح احكي لكم ع الصار اول ما أشتغل الشريط كان أغنيه اجنبيه
وشوي نطل في البلكونه الا فقاعات الصابون معبيه البلكونه وتنزل منها طايره الاستعداد كامل
وبعدها بدأت زغاريد وأشتغلت نوافير 4 صغيره على البلكونه وخرجة العروسه مع العريس
وفقاعات الصابون تنزل تتطاير والنوافير شغاله والنوافير شغاله أكثر من دقيقتين ونص
بعدها العروسه والعريس رمو 3 بلونات وحده بأسم العروسه ورماها العريس ووحده بأسم العريس ورمتها العروسه والثالثه فيها الف مبروك ورمها الاثنين مع بعض البلون كانت تنزل بشويش مره مره والكل يقرأ الاسماء بصراحه مره حلوه بعدها انرش عليها ورد طبيعي بجهاز جايبته الحرمه
والعروسه والعريس واقفين ..
وصاروا العرسان ينزلوا الدرج والورد ينرش عليهم لو تشوفوا المنظر روعه
ومشيوا على المسيره الين الكوشه اشتغلت النوافير من اليمين واليسار مع بعض ومعاهم كمان في نفس الوقت مدفع الورد تخيلو مع بعض روعه كان المنظر..
الكوشه كلها صارت بحر من الورد >>>>>>>عرفت أمثل هع هع هع
من هذا كله أشوف بنت عمي تطالع في وحده وتأشر لها وهي تمشي على حسب ما تأشر لها
أثر طلعت هبله معاها منسقه …
المهم
بعد الزواج سألت بنت عمي عن التفاصيل وقالت لي الاتي
قالت عندهم عرض يشمل
1_ منسقه مع العروسه يوم الفرح تمشيها على الزفه
2_ شريط الزفه والعروسه تنقي الاغاني وكل شي
3_ ورد طبيعي ترميه العروسه قالت جابو لي 30 حبه هي ما رمته هي كانت اللي يسلم عليها يأخذ ورده
3_ مدفع الورد الكهربائي وينرش عليك وقت الطله ونزول الدرج والكوشه
4_ اربع نوافير صغيره على البلكونه
5_ جهاز فقاعات الصابون
6_ نافورتين كبيره على الكوشه
7_ البلونات اللي فيها الاسامي والف مبروك

وكل هذا سوته بـــ 1500

قالت فيه عندهم عرض بــ 1000
بس ماسألت من ايش يتكون

((( بقول لكم شي اللي عجبني في الموضوع نها كانت تسوي شغلها بأمانه انا حضرت لكذا وحده سوت مدفع الورد تشغل الجهاز مره وحده على الكوشه وخلاص أنتهى كل شي تأخذ 500 مدري ليش))

الله يوفقهم بصراحه شغلهم روعه وهذا اللي خلاني اتكلم عنهم

وان شاء الله اللي راح تتعامل معاها راح تدعي لي

وبنت عمي تقول البنت مره أخلااااااق وذوق حتى امي مره حبتها

الله يوفقها خلت الزواج روعه

أن شاء الله البنات يستفدوا من الموضوع اللي كتبته

اللي حابه الرقم تكلمني وانا حاضر

….