عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اول شي ابغى اقولكم الحال وابغى منكم مساعدة او نصيحة ودعوة بظهر الغيب رب يسخر لي زوجي كما يحبه ويرضاه
تكفون لا تفهمون غلط انتوا متزوجات وتعرفوا مدى اهمية العلاقة الحميمية هي اساس كل شي
زوجي متعبني من هذه الناحية
بسبب اهماله لي من الناحية هذيك..احطكم بالصورة انا لي سنة ونص متزوجه وربع هالوقت جلسته عند اهلي يعني باقي ينقال لنا عرسان ورغم كذا الله يهديه مهملني لدرجة مايفكر يجيني بالاسبوع مرة او مرتين طيب وش خلى للي يمر على زواجهم 3و4 وعشر سنين واوقات يجلس بالاسبوعين مايفكر فيني
اول شي فكرته يخوني بعدين تعوذت من الشيطان لانه هو الحمدلله انسان ملتزم ويخاف ربه صح عينه زايغة لا شاف حرمه بقق عيونه بس ماعليه كل الرجال كذا
ثاني شي فكرت انا السبب اني مهملة بعمري فصرت اتكشخ واتعطر واسرح الشوشه وهاتك يالبس اغراء وعاااااااااااااادي ولا يطالع بخشتي ولا كانه لابسه شي مغري رغم انه جسمي الحمدلله يساعد
فكرت السبب اني بوجه طول الوقت صرت اشتغل بمشغل من العصر واوقات من الظهر الى الساعة 10 و11 ورغم كذا مايشتاقلي واول مايجي ياخذني من الشغل ونوصل البيت يبدل ملابسه وينام يخليني اروح الحمام اتغسل واتجهزله اطلع الاقاه يشخر وانا وقتها قلبي مفجوع من القهر
هو دوامه متعب لانه من 7 الصباح الى 6 المساء ولا يفطر ولا يتغدي قال ليش علشان مايحب الجاهز يقعد بالجوع ولا ياكل من اكلهم…قلت يمكن تعبه بالدوام هو السبب وعذرته بس للاسف حتى يوم اجازته يكون مو مهتم فيني ولما يكون هو رايق ويبغاني اكون انا بسابع نومه او تعبانه ونعسانه يعني حتى لما نبغى نعيش جو مااكون رايقه ومتجهزه وانتو تعرفون لما نكون مهئين باللبس والنظافة والتعطير والروقان يكون غير الوضع عن لما يجيك وانتي مالك خلق
المهم الزبدة يابنات اخر سبب توصلت له هو انه بااااااارد رغم اني انا للمعلومية وسطيه للبرودة اقرب يعني ماني من المشفوحات على هشي
وعلى فكرة كمان انا صارحته وبينتله اهمالك لي مضايقني قالي لا تلوميني اطلع للدوام ماني شبعان نوم وارجع من الدوام جوعان وتعبان ونعسان..قلت له ياقلبي مو بالضرورة جماع انا يكفيني حضن منك لمسه نظرة اي اهتمام لو بسيط يكفيني لو حتى تقولي مايجيني نوم الا لما اضمك هشي اشوفه قد الدنيا
ورغم كذا مافادت مصارحتي له وبالعكس يخليني اطلع من الغرفة اروح الحمام اتجهز يقوم ينام
طبعا انا هنا اكرررررررررررررررررره وبقوة ونفسي تعز عليه ولا افكره اقعده ولا اكلمة واقوم اغطيه وافتح النت واقعد بروحي..واقات اطالع فيه وابكي ليش يسوي فيني كذا
لا تقولون يمكن من المشكلة لاني والله دايما اغير من نفسي وقد مااقدر اكون زوجة صالحة وكلي انوثه واحترام وحب بالفعل والكلام…بس مافي فايدة يعني ممكن يبتسم بوجهي يحبني يلمسني لمسه بسيطه ويقوم بعدها بكل برود بع مااكون انا 😛
تكفون طلبتكم ابي حل تعبت والله تعبت…دعواتكم بالله
