عالم البنات النسائي كل ما يخص المرأة العربية من ازياء وجمال والحياة الزوجية والمطبخ
آلـــسسلآم عليكم بنات
كيفكم ؟ ان شاء الله تكونو كلكم بصحة وعافية
اول شي بنات اللي يقدر يوصل موضوعي لاي احد مسؤول أو صحفي ينشرو ياريت ما تقصر
بنات انا كنت في سكن حكومي
جامعة الملك عبد العزيز – فرع الشرفية
وربي عشت اقرف سنة في حياتي كانت نوع من انواع العذاب
بحكم انو انا بعيد عن جدة 400 كيلو 
فـ حبيت احكي لكم شويا عن ذاك المكان
هوا المكان متكون من 6 عماير كل عمارة دورين وفيها غرف
الغرفة صغيرة يمكن تيجي 4|×5
المفروض يكون فيها بنتين
تخيلو احيانا يحشروا فيها 4 بنات
مع العلم انو يكون في غرف فيها بنت وحده بس هما كذا بمزاجهم
بس الحمدلله كنا انا وبنت خالتي مع بعض
وكل م جت المشرفة نكون معصبين وكذا ف م نسمح لاحد يكون معانا
ثانيا الاكل
تصدقوا انو احيانا اقعد كل خميس وجمعة بدون اكل بس مويا
وباقي الايام من الكلية
ليش طيب ؟
لانو ما في اي شي يناكل
و مافي بوتوقاز او فرن يقولو ممنوع الخ الخ
ثالثا
انا احترم كل المذاهب
بس هناك في اخلاتط سنة مع شيعة
انا م اقول شي
بس صحبتي وصديقتي الصدوقة
كانت مع شيعية
تخيلوا بنات كل ما تنظف عبايتها تجيب تراب من برا وتعدم عبايتها
وهيا مبللة يسير الوسخ زي الطين
تصحى الصباح تتورط
ومرا دخلت عليها ولقيتها تقطع شراريبها بمقصات
ومرا كنت عند هذي صحبتي
وجت الشييعيه فتحت الشنطة حقتها وربي
كلها مشارط وسكاكين وولاعات
وكل البنات السنيات اللي مع الشيعه كانت بينهم مشاكل
فـ خصصو عمارة لكل الشيعيات اللي يسببو ضرر لعمارة لحالهم 
والشيعيات العاقلات عادي خلوهم مع بعض
هذا نبذة وشي بسيط عن العذاب
في اخر شهر جت وحدة الله يجزاها الجنة عملت كوفي
وكان عبارة عن متنفس لنا
فيه طباخات نظظيفات ويعملولنا اي شي نفسنا فيه
بس كان الاكل غغااااااااااالي يعني شويا رز مع دجاج ب 10
مصقعة ب 8 مكرونة ب 7
هو الحمدلله بس بعض الناس كانوا م يقدرو لظروفهم
شوفوا ذا الرابط اللي كتبتو هبه
شكوى من قلب محرووق.. عن السكن الداخلي للطالبات فرع الشرفية – منتديات طلاب وطالبات جامعة الملك عبدالعزيز [ سكاو ]
بتعرفوا مين هبه من قصتها اللي كتبتها في اخر الموضوع
ويريت تفتحوا كل الصفحات والردود
واكتبو في بحث الفيس بوك
ماساة سكن الشرفية جامعة الملك عبد العزيز
وح يجيكم صور وتعليقات البنات وكل شي تبغوا تعرفوه سسوري ما فيا اجيب الرابط
لاب توبي يعللق مرا 
_________
تقدرو تتصفحوا ذي المدونة
بقلم المبدعة هيوف تتكلم عن السكن وفيه صووور
وتقدروا تستفيدوا من المدونة مرا تجنن
فيها صور تشوفوا قذارة السكن
وفيه مواقفنا وصور لهبالتنا ع الجدران
على فكرة
ترا احنا مهربين البيبيات ولا اصلا ممنوع جوال كاميرا
➡
___________
نجي لاهم قصة اللي هزت السسسكن كلو
قصصصة من اروع القصص
الشيعية اللي تسننت
هذي قصة هبة
هذي من اقوى بنات السسكن ومعروفة
وقصة على كل لسان
الحكاية
هبة كانت بينها وبين واحد سني قصة حب
وكانوا بالفعل يحبوا بعض
زي ما ذكرت هبه كانت قوية ولما نقلوا الشيعة مارضيت تنقل
وقالت انا ما اضرهم ف شي
هيا كانت معايا في نفس العمارة
وكلنا اتفقنا انها ما تضرنا ف خلوها اصلا هيا م رضيت وماكانوا
يقدرو يغصبوها
كانت مجتهدة ودرجاتها عااااالية ما شاء الله تبارك الله
لمن جت اجازة بين ترمين
بعدها ما جت وكلنا استغربنا
اتصالات ايميلات ابدددا مافي اي رد
وكلنا نسيناها
——
في الاجازة بين ترمين جا حبيبها السني لاهلها وخطبها
ف اهلها شكوا ليش ساب كل البيوت وجا بيتهم هما وخطبهم
ف استنتجوا انو بينهم شي
ضربوها وحبسوها و اخذو كل وسائل الاتصال منها
وماكانت تاكل كثير
كانت عايشة زي الحيوانات
ف اشتكت عند امارة الشرقية و جمعية حقوق الانسان
ومحامي وكلها تشتكي ضد اهلها
بمساعدة السني اللي كانت تكلموا من جوال من ورا اهلها جابتوا لها صحبتها
في فترة اسبوع الاستعداد حق اختبارات النهائية في الترم الثاني
جابوها اهلها عشان توقع اخلاء طرف
و تاخذ اغراضها وغسالتها وتلاجتها
ورجعت غرفتها تاخذها من غير م احد يدري فتحت لاب توب صحبتها
اللي تفاجات بوجودها
فقالت هبه ” بليز خليني اطبع اوراق اهلي قال لي انو
ملفي من لاحياة انتهى وهوا حالف يقتلني والله ي فدو انا عارفة ابوي يسويها “
وطبعت اوراق ارسلها لها المحامي
ولمن تاخرت خافوا امها واختها اللي دخلو معاها
لانها طولت
ارسلوا وحده من السكيورتيات تشوفها
سحبتها سحب وكلنا في العمارة سمعنا الاصوات العالية طلعنا وتفجانا بوجود هبه
ودخلوها الادارة وكانت امها قايلة كلام غلط عنها عند امها
ف المديرة قالت لها
لو كنتي بنتي وسويتي كذا لو دفنتك
دخلت صححبتها فدو وقال للمديرة
هبه تبغى تتسنن عشان كذا اهلها كارهينها
ف المديرة على طول طردت الام والاخت بس هما اصروا ياخذوا بنتهم
اما هبة وفدو اختفو من 9 صباح لمن 4 العصر فتشو
كل الغرف والدواليب وم لقيوها
في الاخير تعبت فدو وطلعت اوراق المحامي
وودتها للادراة وقررت لادارة انهم
يخلو هبه عندهم تكمل دراستها وفي ايام الاجازة يخلوها في دار رعاية
وحبيبها ح يتزوجها ويسكنها عندهم
وانبسطتنا بهبة
قالت اشهد انا لا اله الا ومحمد رسول الله
سارت تصلي صلاتنا و تقول ادعيتنا
وكانت تسب نفسها وتقول مدري كيف كنت في غلط
اكلت وشربت معانا وساعدتنا في الدراسة
مع ان كل الششيعة اللي عرفوا انها تسننت
كانوا متحلفين يقتلوها ويقلولها اهلك مو سالين عن دمك
في يوم كنا مداومين لاختبار
لقينا امها عند الباب
طبعا الامن ما سمحوا لها يدخلووالله ي بنات من حقدت الطالبات عليها
اللي تدوس رجولها واللي تضربها بكتفها واللي تدف الشنطة عليها
وابوها جالس في سيارة امن كليات عشان يدخلوها فيها
وكنا نختبر وايدنا على قلبنا
خايفين البنت لا تروح لانها لو راحت خلاص اهلها بيقتلوها
لانها صارت سنية خلاص
كل اختبارتنا كانت من 10 الى 12 والباصات ما تتحرك الا 3
لان البنات اللي تفطر واللي تتمشى بعد
الاختبار واللي تقعد مع صحباتها
وربي ي بنات ذاك اليوك كلل الباصات الساعة 1 ونص اتحركت
ورحنا وتجمهر على على عمارة 4
وخلاص عرفنا انهم قدروا عليها
ودحين مو عارفين البنت حية ولا ميتة
دعواتكم لها ي بنات
ادري طولت عليكم ونص الكلام غلط من السرعة
بس من القهر اللي عشتوا سنة كاملة ف القرف هذاك
انا ما كنت بدخلوا بس كل السكنات الاهلية كانت فل
مع انو كانت فيه ايام حللللوة مع البنات
وجمعتنا وفلاتنا وسهرنا وهبالتنا
بس وربي العيشة قرف
اسسسسسسفة طولت بالكلام
حسيت اني هندية من كثر القرقرة 
سبحانك اللهم وبحمد اشهد ان لا اله الا انت استغفرك واتوب اليك
