عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
مبارك عليكم الشهر حبيباتي ..
بما ان رمضان قرب فـ اكيد الكل مدهرين يبون اجدد الطبخات و الحركات و الحلويات
فـ قلت خل اكتب لكم طريقة شيز كيك سعد الدين
وبما ان وحده من الاخوات طلبت الطريقه قلت احطها بموضوع احسن عشان الكل يشوفه ويستفيد
واعذروني بدون صور لان ماكنت حاطته في بالي ..
,’,
المقادير :
1 ونص بسكوت شاي مطحون نااااعم + شويه زيت و شويه ماي > نخلطهم و نرصهم بصينيه بايركس او اللي تنفتح اطرافها ..
3 دريم ويب + ثلاث ارباع كوب حليب بارد ( مراعي او حتى نيدو بس الماي بارد يكون ) + 12 حبة جبن كيري + 1 جلي ليمون مذوب في كاس ماي حار و نخليه شوي يدفا – وهو سر النكهه )
كل هالمقادير نخلطهم بالخلاط مدة 5 دقايق كذا
بعدين نصبهم في الصينيه و ندخلهم للثلاجه لحد ما يتماسك الخليط , ساعتين الى 4 ساعات كفايه ..
بعدين ناخذ حشوة الفطير ( باي فلينق ) بأي نكهه تحبون و تصبونها عالوجه و تدخلونها للثلاجه نص ساعه الى ساعه عشان تجمد
ملاحظه ( اذا ما لقيتو حشوة الفطيره ممكن تستخدمون مربى الفراوله وانا مجربتها نفس الطعم لان احيانا اتوهق ما القاها بالسوبرماركت )
,’,
وبالهناء والعافيه على قلوبكم واللي تسويها تصورها و تحطها 😀
ادعوا لي بتيسير اموري و ان الله يحقق لي مرادي
