عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هذي طريقة الشيز كيك الرخامية ،،،، سويتها وطلعت لذيذة وسهلة جدا جدا جدا :frashagir
شيز كيك الرخامية
المقادير :
1قالب كيك سارالي جاهزة بالفانيليا .
1 ظرف دريم ويب
نصف كأس حليب بارد
2 قشطة ( زنة 170 غرام )
1 باكيت جبن فيلادلفيا
1 ملعقة أكل جيلاتين + ربع كأس ماء حار جدا
4 ملاعق اكل مربى الفراولة
والطريقة هي :
تقطعون الكيك السارالي وتصفونه في قالب الجيز كيك المتحرك أو في صحن بايركس متوسط .
وتجهزون الخلطة السادة وتخلطونها بالخلاط الكهربائي وهي :
الدريم ويب مع الحليب البارد دقيقتين بالخلاط ، وبعدها القشطة وتخلطونها وبعدها الجبن الفيلادلفيا وتخلطونه زين ….
وبعدين الجيلاتين :
( تذوبين الجيلاتين بربع كأسس ماء حار تخلطينه لمن يذوب بالشوكة ضروري الشوكة فهمتووووا )
خلطة الفراولة:
ونأخذ من الخلطة السادة مقدار نص كأس تقريبا في ماعون منفصل وخلطي مربى الفراولة معاهم …
وفي ماعون البايركس( اللي صفيتي فيه الكيك ) حطي فوقه الخلطة السادة وبعدين خلطة الفراولة وخلطيهم بحركة بطيئة بالشوكة علشان يصير شكلها مثل الرخامة :frxxagir
توضع بالثلاجة لمدة ساعتين وتأكل بالهنا والشفا ………….
ملاحظة : التزيين بقطع فراولة طازجة مع جيلي فراولة أو بعد ما تصك الكيكة بالثلاجة ( بعد ساعتين ) تقدرين تضعين خلطة الشيز كيك الجاهزة بالفراولة .
