شيروا علي .. حفلة تخرج ..

<< ثاني مررة تكتب الموضوع ويطييير بدون ما ينضاف ..

المهم .. بنات الله يخليكم .. مشكلتين .. بسبب واحد ..

علموني ووجهوني وش سالفتي أنا ؟

لما أروح السوق مع أمي و أختي أو بنات خالاتي ما أشترري منه !!
أنا كل ما أروووح تعجبني اشياء كثيييييييرة
لكن .. أشوفها غالية ولا أشتري .. مع أني أملك أضعاف مضاعفة للمبلغ المعروض
غير أني ما أدفع من حسابي الخاص . أهلي هم كل شئ يحاسبونه ولله الحمد

لكني مع ذلك .. أراااااعي … ولا أقدر أشتري غالي .. نفسي ما تسمح لي
أحب الرخيص الزين .. رخص حلو .. يعني بدال لا تكون البلوزة بـ200 و 300 أشتريها بـ50 و60

وصارت أمي تتضايق مني .. تقول لي خليك زي أختك ..
ربي منعم علينا أشتري يا بنتي .. وأنا مااااااااا يطاااااااوعني قلبيييييييي
وعمري اللحين 18 سنة … لكن مستحيل أشتري ملابس غالية
وأشوف اللبس واٌقول بداخلي ( يالله الجنة )

ولا أدري وش أسمي هالحالة اللي أمر فيها ؟ لأن الكل مستغربني وكأني شاذة بالعائلة
بنات خالتي وأختي وأمي .. كلهم ينقدوني ويقولون وش دعوة أشتري؟

مع أن ملابسي جميلة وحلوة واسعارها أحلى .. ونادر ما ألقى مثلها بسعر وجمال ..
( أنا ما أفرق عنهم بشئ .. يعني نفس الذووق باللبس .. )
لكني أطول بالأختيار .. لأني أراعي السعر .. مهب مثلهم ,, اللي يعجبهم أخذوه لم المحاسب ..!

آخر مرة يا بنات كانت أمي موديتني محل مكياج وعطور ..
والله ما كأني شفت شئ
ولا شريت .. وقالت وشفيك ؟ قلت عندي علبتين عطر وكحل وعلبة قلوس أحس هذا يكفي
قامت هزأتني .. علبتين بس ؟؟ وش فيك أنتي كأن أحد يعد لك ومن هالكلام
قلت لأختي ما له داعي مصورة .. كان تبين أنا أصورك فديو.. قالت لااااااااااا أبي تصوير أحترااااافي
وألبوم ومع صاحباتي .. والخ

قلت خلاص ,,

بعدها بدت أمي تتجادل مع أختي

أختي تقول لا مانبي بزران للحفلة ..( بنات صغار في الابتدائي والتمهيدي )
وأمي تقول حلات الحفل بالصغيرين

وصارت مشكلة .. بعدها جينا لكتابة البطاقة حقت الدعوة
قلت لأمي لا تكتبين أسمي خلي أسم أختي وبس
ماله داعي أنا ….عشان حفلة تخرج

قالت الا وش دعوى
بخط كبير .. وأن الحفلة لها

خصوصاً وأني ما راح أنادي أكثر من 7 بنات ( غير الأقارب )
أحس يكفي اللي بتعزمه أختي ..

مابي أثقل على أمي

وأميمتي الله يهديها تتكلـــــــــــــــــــف بشكل !!
مو طبيعـــــــــي …………….

شيروا علي يا جماعة ..

أكتب أسمي ؟ والا أخلي أختي تنبسط ؟
مع أن أختي تقول أكتبي أسمك معاي .. بس أنا ودي الناس تشوف أسم أختي
ودي الحفلة تفرِْح أختي ..
😆 idea:

وهل أنادي زيادة بنات ؟
ودي .. بس مابي أثقل على أمي ..

أنا أحب الفلة والوناااسة وسعة الصدر ..
وكنت متخيلتها باستراحة .. وخالاتي وكيكة وعصير وننبسط

بس وصلت الدعوة قاعات ودنيا ..

كرهت أني أثقل على أمي .. وأحس بشعور أني ما ودي هالمبالغة والحفل هذا كله

علموووووووووني ..
ووش سالفتي ؟ تراه مب بخل اللي فيني ؟
لأني كل شهر أخذ بطاقتي حقت البنك وأفرغه للمحتاجين والفقراء
بس ما أدري وش فيني ….