شيء غريب حصل لي .. وفي بيتنا .. خواتي شاركوني

خواتي شفت فضفضتكم بالمواضيع

وانا والله حامله هم و ودي افضفض معكم اتونس بردودكم وتنفعوني بنصيحه ودعائكم خواتي

اول شيء لما كنت بالثانويه كانوا البنات بالمدرسه دوم يقولون عني وعن خواتي انتوا بتروحون بسرعه شيقعدكم كنت اجتماعيه و ونيسة قلب ومهتمه بنفسي والحمد لله

بعدين اختي الكبيره تنخطب من كانت بالمتوسطه وعمرها13 سنه وكانوا اقاربنا يقولون ايه ذولا اللي ينخطبون والله لو بحسبهم يتعدون 15 رجال خطبها أو 20 والله ولدرجة ان مره سوو تحليل الزواج وبعدين راح الرجال لا كلمه ولا حرف مع انه كان مستعجل ومقتنع بها وقبله بعد كذا الناس تلاقيهم مبتسمين وفرحانين وبيطيرون وبعدين فص ملح وذاب

واختي الصغيره جاوها ناس وشافوها ويبونها خلاص وبعد راحت السالفه ولا كأن شيء صار

ومن وقتها وانا شاكه ان بنا عين أو شيء ينفر الخطاب مع اننا كثير يمدحونا ويمدحون اخلاقنا والله على كلامي شهيد

ارجع لكم للي حصل لي انا من كم سنه فجأه في وقت كانت زوجة اخوي متمشكله معه جاني نزيف ما كان قبلها فيني شيء وفجأه حصلي نزيف

و حصلت امور بالبيت غريبه معي كثير منها تضيع ملابس لي ولا اشوفها مع ان ما عندنا شغاله وهذا قبل النزيف بسنين كثيره تختفي ملابس لي اكون مخليتهم للغسيل و تروح تغسلهم امي لما كنت بالثانويه ولا الاقيهم وامي تقول ما ارمي شيء لما سئلتها انتي رميتي قميصي ولا ملابسي الداخليه اكرمكم الله

وبعدين صارت ملابسي بس تتقطع بالغساله انا الوحيده من بد كل اخواني الغساله تقطعهم

وبعدين لما جاني النزيف ابتدأ بشقة اخوي ورا غرفتنا دورت المياه حقتة الشقه وصار الماي بغرفتنا يرطب الأرض مع ان بينا وبينهم جدار ولا بينا وبينهم باب

وبتدأ الماي يطلع حول سريري بس ولا قرب من سرير اختي مع ان الماي كان كثير تقريبا واختي ما بيني وبينها ألا شبر وشوي

واخوي جاب هندي وصلح البيب اللي يهرب الماي بشقته اللي كنا متقوعين انه منه يجينا الماي بالغرفه

وللحين مستمر الماي مع ان الشقه صارت ناشفه لكن الماي حول سريري يزيد ويزيد النزيف معه لدرجه اني صرت ما اقدر اقوم اصلا من الألم بظهري وحوضي ورجولي واصلي جالسه

اخوي قال بيحرك سريري يشوف الماي من وين يطلع تخيلوا لما حرك السرير ايش شاف

شاف الجدار اللي المفروض من جهته الماي يجينا ناااااشف ولا فيه ولا قطرة ماي وبس حول خشب سريري بس يطلع الماي كأن الخشب هو تحته ينبع الماي و تحت السرير ولا قطرة ماي بس حوالين سريري

وانا كنت منتبهه وشاكه من الأول وقلت لخواتي قالوا تتوهمي لما شاف اخوي اللي شافه نزل والله من غرفتي مبلم وسرحان استغرب

وانا رحت للدكتورة نساء و ولاده وعالجت النزيف كذا مره و ما كان يوقف

وتطلق اخوي من حرمته بعد مشاكل ومشاكل معها وبدون سبب وجيه تقولوا يمكن انه سبب اساسي للي صار بينهم

انا من بعد ما عرفت ان الماي بس تحت سريري وكان وقتها يطيح شعر راسي وصار مو زين مع انه كان حلو وكانوا يقولون انتي احسن مافيك شعرك لكن اللي يشوفه ألحين يقول وين شعرك الأول مافيه حيويه وناشف ومتقصف

وتأكدت المهم ان الموضوع به شي وصرت اقرأ البقره كل يوم كامله واختي بعد تقراها و رحت لطبيبه ثانيه و صار الماي يخف من قبل لا اروح للطبيبه والنزيف مو مثل قبل

وبعدين وقف الماي و النزيف بوقت واحد والله العظيم وقفوا بوقت واحد

ومن قبل موضوع النزيف الوالد بعد صار يعصب علي بدون سبب ولا يطيق كلامي ولا يطيق يشوفني وكنت احفظ القرآن وجاني صد عن الحفظ فجأه

وانا واخواتي كنا قلب واحد 5 بنات احنا كنا نجلس ونسولف ونفضفض ونضحك ونمزح وفجأه صرنا من نجلس مع بعض نتهاوش ما نتحمل نجلس مع بعض

وصرنا ما نطلع ولا نحب نروح ولا نجي وخصوصا انا اكره الطلعه من البيت واجلس بالبيت ما اطلع اغلب الأحيان وهذا من بعد النزيف حصلي اني ما احب اطلع من البيت غير زيادة الوزن الفضيعه والكآبه والعصبيه والقلق والحزن وهم بصدري

بنات انتوا مثل خواتي ايش تقولون في اللي حاصل لنا
دعواتكم خواتي ونصايحكم الله لا يبلاكم ويحميكم ويحفظكم

لا إله إلا الله محمد رسول الله